“కపుల్ ఫ్రెండ్లీ” సినిమాను ప్రభాస్ గారు ప్రశంసించడం నేను గెలిచాననే ఫీల్ కలిగించింది – సక్సెస్ సెలబ్రేషన్స్ లో హీరో సంతోష్ శోభన్

సంతోష్ శోభన్, మానస వారణాసి జంటగా నటించిన “కపుల్ ఫ్రెండ్లీ” సినిమా ఈ రోజు గ్రాండ్ థియేట్రికల్ రిలీజ్ కు వచ్చి ఘన విజయాన్ని సొంతం చేసుకుంది. ఈ చిత్రాన్ని ప్రముఖ నిర్మాణ సంస్థ యూవీ క్రియేషన్స్ సమర్పణలో యూవీ కాన్సెప్ట్స్ తెలుగు, తమిళ భాషల్లో నిర్మించింది. అజయ్ కుమార్ రాజు.పి కో ప్రొడ్యూసర్ గా వ్యవహరించారు. ఈ చిత్రానికి అశ్విన్ చంద్రశేఖర్ దర్శకత్వం వహించారు. “కపుల్ ఫ్రెండ్లీ” సినిమాను ప్యాషనేట్ ప్రొడ్యూసర్, డిస్ట్రిబ్యూటర్ ధీరజ్ మొగిలినేని ఏపీ, తెలంగాణలో రిలీజ్ చేశారు. “కపుల్ ఫ్రెండ్లీ” సక్సెస్ సాధించిన నేపథ్యంలో మూవీ టీమ్ హైదరాబాద్ గోకుల్ థియేటర్ లో ప్రేక్షకుల సమక్షంలో కేక్ కట్ చేసి బాణాసంచా కాల్చి సక్సెస్ సెలబ్రేషన్స్ జరుపుకున్నారు. ఈ సందర్భంగా

హీరో సంతోష్ శోభన్ మాట్లాడుతూ – గోకుల్ థియేటర్ లో ఎన్నో సినిమాలు చూశాను. ఈ రోజు నేను నటించిన మూవీని ప్రేక్షకులందరితో కలిసి చూడటం సంతోషంగా ఉంది. మా సినిమాను ప్రభాస్ అన్న చూసి ప్రశంసించారు. ఆయనకు సినిమా బాగా నచ్చింది. కపుల్ ఫ్రెండ్లీ మూవీని ప్రభాస్ అన్న అప్రిషియేట్ నేను గెలిచాను అనే ఫీల్ కలిగించింది. ప్రేక్షకులందరికీ థ్యాంక్స్ చెబుతున్నా. ఇది కంప్లీట్ లవ్ స్టోరీ, వాలెంటైన్ డే సీజన్ లో వస్తున్న పర్పెక్ట్ జానర్ మూవీ ఇది అని చెబుతూ వచ్చాం. ఇలాగే మా సినిమాను థియేటర్ లో చూసి సపోర్ట్ చేయండి. అన్నారు.

హీరోయిన్ మానస వారణాసి మాట్లాడుతూ – కపుల్ ఫ్రెండ్లీ సినిమాను సక్సెస్ చేసిన ప్రేక్షకులకు థ్యాంక్స్. మీ అందరి ఎనర్జీ చూస్తుంటే హ్యాపీగా ఉంది. వాలెంటైన్ డేను మా మూవీ చూస్తూ ఎంజాయ్ చేయండి. మీ ఫ్రెండ్స్ కు మా సినిమా చూసిన ఫీల్ ను షేర్ చేయండి. అన్నారు.

డిస్ట్రిబ్యూటర్ ధీరజ్ మొగిలినేని మాట్లాడుతూ – మా సినిమాను ప్రభాస్ గారు చూసి తన ప్రశంసలు అందించారు. ఆయనకు వర్షం సినిమాలా సంతోష్ శోభన్ కు కపుల్ ఫ్రెండ్లీ అని ఆయన పోస్ట్ చేశారు. ప్రభాస్ గారి అప్రిషియేషన్ తో మేమంతా చాలా హ్యాపీగా ఫీలవుతున్నాం. ఈ సినిమాతో సంతోష్ 2.ఓ స్టార్ట్ అవుతోంది. ఈ ఏడాది ఆయన పెద్ద హీరో అవుతారు. మానస వారణాసి పర్ ఫార్మెన్స్ గురించి ప్రతి ఒక్కరూ గొప్పగా చెబుతున్నారు. డైరెక్టర్ అశ్విన్ నెక్ట్స్ తెలుగులోనే మూవీ చేయాలి. ఆయన హైదరాబాద్ షిఫ్ట్ కావాలి. నేను ఈ సినిమా చూసినప్పుడు బాగా నమ్మాను. ఖచ్చితంగా హిట్ అవుతుందని డిస్ట్రిబ్యూట్ చేశాను. కపుల్ ఫ్రెండ్లీతో నేను ఈ ఏడాది సక్సెస్ ఫుల్ గా స్టార్ట్ చేశాను. ఈ వీక్ అంతా ప్రేక్షకుల్ని కలుస్తూనే ఉంటాం. మీరంతా ఇలాగే మా సినిమాను ఆదరించాలని కోరుకుంటున్నా. అన్నారు.

డైరెక్టర్ అశ్విన్ చంద్రశేఖర్ మాట్లాడుతూ – మా కపుల్ ఫ్రెండ్లీ సినిమాను సక్సెస్ చేసిన ప్రతి ఒక్కరికీ థ్యాంక్స్. మీరంతా వాలెంటైన్స్ డేను మా మూవీ చూస్తూ సెలబ్రేట్ చేసుకోవడం చూస్తుంటే హ్యాపీగా ఉంది. మా సినిమాను చూసి అప్రిషియేట్ చేసిన రెబల్ స్టార్ ప్రభాస్ గారికి కృతజ్ఞతలు. అన్నారు.

నటీనటులు – సంతోష్ శోభన్, మానస వారణాసి, తదితరులు

టెక్నికల్ టీమ్

ఆర్ట్ – మైఖేల్ బీఎఫ్ఏ
ఎడిటర్ – గణేష్ శివ
డీవోపీ – దినేష్ పురుషోత్తమన్
మ్యూజిక్ – ఆదిత్య రవీంద్రన్
ఎగ్జిక్యూటివ్ ప్రొడ్యూసర్ – ఎస్ఎస్ వర్మ
సమర్పణ – యూవీ క్రియేషన్స్
నిర్మాణం – యూవీ కాన్సెప్ట్స్, అజయ్ కుమార్ రాజు. పి.
పీఆర్ఓ – జీఎస్ కే మీడియా (సురేష్ – శ్రీనివాస్)
రచన, దర్శకత్వం – అశ్విన్ చంద్రశేఖర్