మ‌హిళ‌ల గొప్ప‌త‌నాన్నిపురుషుల‌కుతెలియ‌జేసేలా జ‌వాన్ సినిమా – షారూఖ్ ఖాన్‌

జ‌వాన్’ సినిమా మ‌హిళ‌ల గొప్ప‌త‌నాన్నిపురుషుల‌కు తెలియ‌జేసేలా తెర‌కెక్కిన సినిమా – #AskSRKలో షారూఖ్ ఖాన్‌

బాలీవుడ్ కింగ్ ఖాన్ షారూఖ్ ఖాన్ లేటెస్ట్ మూవీ ‘జవాన్’పై రోజు రోజుకీ అంచనాలు పెరుగుతున్నాయి. అభిమానులు, ఆడియెన్స్ ఈ సినిమా కోసం ఎంతో ఆతృతగా ఎదురు చూస్తున్నారు. సినిమా సెప్టెంబ‌ర్ 7న గ్రాండ్ రిలీజ్ అవుతోంది. ఈ సంద‌ర్భంగా ఆయ‌న #AskSRK అంటూ సోష‌ల్ మీడియాలో నెటిజ‌న్స్‌తో ముచ్చ‌టిస్తున్న సంగ‌తి తెలిసిందే. తాజాగా #AskSRKలో జ‌వాన్ గురించి నెటిజ‌న్స్ షారూఖ్‌ను కొన్ని ఆస‌క్తిక‌ర‌మైన ప్ర‌శ్న‌లు వేయ‌గానే ఆయ‌న కూడా స‌మాధానాలు ఇచ్చారు. ఆ విశేషాలేంటో చూద్దాం… 

* ‘జవాన్’లో షారూఖ్ పాత్రను ఓ పదంలో చెప్పండి

– మ‌హిళ‌లు.. ‘జవాన్’ సినిమాను మ‌హిళ‌లే న‌డిపిస్తారు. ఇది మ‌హిళ‌ల గొప్ప‌తనాన్ని పురుషుల‌కు తెలియ‌జేసేలా తెర‌కెక్కిన సినిమా. మాస్, క్లాస్ ప్రేక్ష‌కుల‌కు న‌చ్చుతుంది. 

* మోష‌న్ పోస్ట‌ర్ మీద ఓ ప‌ద్యం చెప్పండి..

– మీరు అంద‌రూ మోష‌న్ పోస్టర్ మీద ఒక్కొక్క‌రు ఓ ప‌ద్యాన్ని రాసి నాకు పంపండి.. ఎవ‌రూ బాగా రాశారో చూద్దాం. 

*న్యాయానికి గ‌ల 5 ముఖాలేంటి?

– ఈ సినిమాలో అలాంటివి చాలా ముఖాలే ఉంటాయి. రేపు థియేట‌ర్‌లో ఆవేంటో స్క్రీన్ పై చూస్తారు. 

*జ‌వాన్ మూవీలో గుండుతో క‌నిపించ‌డం ….

– జ‌వాన్ సినిమాలో నేను గుండుతో క‌నిపించ‌టం చాలా మందిని ఆశ్చ‌ర్య‌ప‌రిచింది. ప‌ఠాన్ సినిమాలో పొడ‌వాటి జుట్టుతో న‌టించాను. ఆ వెంట‌నే చేసిన జ‌వాన్ మూవీలో గుండు లుక్‌తో న‌టించాను. ఇది నా పిల్ల‌ల‌పై ఎలాంటి ప్రభావం చూపుతుందోన‌ని ఎదురు చూస్తున్నాను..హ హ‌

* జ‌వాన్ సినిమాను ఎన్ని సార్లు చూడొచ్చు

– ఓ సారి మ‌న‌సు కోసం, ఓసారి త‌నువు కోసం, ఓ సారి ఫ‌న్ కోసం, నా అభిమాని అయితే నా కోసం ఓసారి.. నాలుగు సార్లు చూడండి

* జ‌వాన్‌ను ఎవ‌రెవ‌రు చూడొచ్చు

– పిల్ల‌ల నుంచి ముస‌లివాళ్ల వ‌ర‌కు అంద‌రూ చూడొచ్చు

* జ‌వాన్‌లో బెస్ట్ షూటింగ్ ఎక్స్‌పీరియెన్స్‌

– జ‌వాన్‌లో చాలా లుక్స్‌, చాలా షేడ్స్ చేశాను. చాలా క‌ష్ట‌ప‌డ్డాం. అయితే సినిమాను ఫైన‌ల్‌గా చూసిన త‌ర్వాత‌ అంద‌రూ ఎంజాయ్ చేశారు. 

*జ‌వాన్ ప్రివ్యూ 2 ఉంటుందా!

– ప్రివ్యూ మ‌ళ్లీ రీ లోడ్ చేయించాలా లేక పాట‌ను రిలీజ్ చేస్తున్నాం.. దాన్ని రిలీజ్ చేయాలా!. మీరంద‌రూ ఆలోచించి చెప్పండి. డైరెక్ట‌ర్ అట్లీతో మాట్లాడి చెబుదాం. ఏదైనా త‌ను చేయాల్సిందే.