టాలీవుడ్

శరవేగంగా షూటింగ్ జరుపుకుంటున్న “బాబు జగజ్జీవన్ రామ్” సినిమా

స్వాతంత్ర్య సమరయోధుడు, భారత మాజీ ఉప ప్రధాని బాబూ జగజ్జీవన్ రామ్ జీవిత విశేషాల ఆధారంగా రూపొందుతున్న సినిమా బాబు జగజ్జీవన్ రామ్. ఈ చిత్రాన్ని పెదరావూరు ఫిలిం స్టూడియోస్, తెనాలి బ్యానర్ పై దర్శకుడు దిలీప్ రాజా రూపొందిస్తున్నారు. ఈ చిత్రంలో బాబు జగజ్జీవన్ రామ్ పాత్రలో మిలటరీ ప్రసాద్ నటిస్తున్నారు. ప్రస్తుతం రెగ్యులర్ షూటింగ్ లో ఉన్న ఈ సినిమా శరవేగంగా చిత్రీకరణ జరుపుకుంటోంది. ఈ సందర్భంగా చిత్ర షూటింగ్ విశేషాలను హైదరాబాద్ ఫిలింఛాంబర్ లో జరిగిన కార్యక్రమంలో చిత్రబృందం వివరించారు. ఈ కార్యక్రమంలో

దర్శకుడు దిలీప్ రాజా మాట్లాడుతూ – స్వాతంత్ర్య సమరయోధుడు, మాజీ ఉప ప్రధాని బాబూ జగజ్జీవన్ రామ్ సేవల గురించి ప్రేక్షకులకు తెలియజెప్పాలనే ఉద్దేశంతో ఈ చిత్రాన్ని రూపొందిస్తున్నాను. ఇప్పటికి రెండు షెడ్యూల్స్ కంప్లీట్ అయ్యాయి. బాబు జగజ్జీవన్ రామ్ గారి వర్థంతి అయిన జూలై 6న ఈ చిత్రాన్ని రిలీజ్ చేయాలని ప్లాన్ చేస్తున్నాం. ఈ చిత్రంలో బాబు జగజ్జీవన్ రామ్ పాత్రలో మిలటరీ ప్రసాద్ నటిస్తున్నారు. 40 ఏళ్లు కేంద్రమంత్రిగా, 50 ఏళ్లు పార్లమెంటేరియన్ గా దేశానికి సేవలు అందించి చరిత్ర సృష్టించారు బాబు జగజ్జీవన్ రామ్. ఈ చిత్రాన్ని డాక్యుమెంటరీలా కాకుండా ప్రేక్షకులకు నచ్చేలా రూపొందిస్తున్నాం. గాంధీజీ, నేతాజీ, లాల్ బహదూర్ శాస్త్రి, చంద్రశేఖర్ ఆజాద్ పాత్రలు ఉంటాయి. జగజ్జీవన్ రామ్ కుమార్తె లోక్ సభ మాజీ స్పీకర్ మీరా కుమార్ పాత్రలో తాళ్లూరి రామేశ్వరి నటిస్తున్నారు. పీరియాడిక్ మూవీ కాబట్టి చిత్రీకరణకు కొంత సమయం ఎక్కువగానే తీసుకున్నా మంచి క్వాలిటీతో మూవీ చేస్తున్నాం. తెలుగుతో పాటు పాన్ ఇండియా భాషల్లో బాబు జగజ్జీవన్ రామ్ చిత్రాన్ని రిలీజ్ కు తీసుకొస్తాం. అన్నారు.

నటుడు మిలటరీ ప్రసాద్ మాట్లాడుతూ – బాబు జగజ్జీవన్ రామ్ పాత్రలో నటించే అవకాశం రావడం అదృష్టంగా భావిస్తున్నాను. నాకు ఈ అవకాశం ఇచ్చిన మా డైరెక్టర్ దిలీప్ రాజా గారికి థ్యాంక్స్. బాబు జగజ్జీవన్ రామ్ ఎంతోమందికి స్ఫూర్తినిచ్చిన జాతీయ నాయకుడు. ఆయన గొప్పదనాన్ని ఈ మూవీ ద్వారా మనకు తెలియజెప్పే ప్రయత్నం చేస్తున్న డైరెక్టర్ దిలీప్ రాజా గారికి అభినందనలు తెలియజేస్తున్నా. అన్నారు.

నటి మౌనిక రెడ్డి మాట్లాడుతూ – బాబు జగజ్జీవన్ రామ్ చిత్రంలో ఇందిరా గాంధీ పాత్రలో నటిస్తున్నాను. ఇలాంటి అరుదైన పాత్రలో నటించే అవకాశం రావడం సంతోషంగా ఉంది. ఎప్పటికీ గుర్తిండిపోయేలా బాబు జగజ్జీవన్ రామ్ చిత్రాన్ని మా డైరెక్టర్ దిలీప్ రాజా గారు రూపొందిస్తున్నారు. అన్నారు.

నటుడు కోటేశ్వరరావు మాట్లాడుతూ – బాబు జగజ్జీవన్ రామ్ జీవిత చరిత్రకు వెండితెర రూపం తీసుకొచ్చే ప్రయత్నం చేస్తున్న డైరెక్టర్ దిలీప్ రాజాను ప్రతి ఒక్కరూ అభినందించాలి. ఈ సినిమా ప్రేక్షకులకు ఎప్పటికీ గుర్తుండిపోతుంది. మన దేశానికి సేవ చేసిన ఒక గొప్ప నాయకుడి జీవితాన్ని తెరపై చూడబోతున్నాం. ఈ చిత్రంలో నటించే అవకాశం రావడం సంతోషంగా ఉంది. అన్నారు.

నటీనటులు – తాళ్లూరి రామేశ్వరి, మిలటరీ ప్రసాద్, కె ఆర్ డి శెట్టి, అమీర్ చౌధురి, నాయుడు, ప్రత్తిపాడు ఎమ్మెల్యే రామాంజనేయులు, మౌనిక రెడ్డి, నరసింహరాజు, భాస్కర్, కావ్యకీర్తి, దివిజ, వేమూరి విజయభాస్కర్, తదితరులు

టెక్నికల్ టీమ్

డీవోపీ – మురళీకృష్ణ, హరి శ్రీనివాస్
సంగీతం – వినోద్ యాజమాన్య
ఎడిటర్ – నందమూరి హరి
ఎగ్జిక్యూటివ్ ప్రొడ్యూసర్ – ప్రదీప్ దోనేపూడి
పీఆర్ఓ – వీరబాబు,
పాటలు- బి.ఎల్.నారాయణ, ఆర్ట్ -కనపర్తి రత్నాకర్, ప్రొడక్షన్ -శ్రీకాంత్, కో-ఆర్డి నేటర్ -మణి,
కాస్ట్యూమ్ డిజైనర్ -పట్నాల పార్వతి,
సహాయ దర్శకుడు – నరేష్ ధోనే
నిర్మాణం – పెదరావూరు ఫిలిం స్టూడియోస్, తెనాలి

కథ, మాటలు, స్క్రీన్ ప్లే, దర్శకత్వం – దిలీప్ రాజా

Tfja Team

Recent Posts

“Heart Filled with Gratitude”: Megastar Chiranjeevi Reacts on Prestigious Honour at the House of Commons in the United Kingdom

Megastar Chiranjeevi has yesterday ( 19 March 2025 ) added another jewel to his crown……

1 day ago

‘జాక్-కొంచెం క్రాక్’ సినిమాలో నవ్విస్తూనే బాధ్యతతో ఉండే పాత్రలో కనిపిస్తాను – హీరో సిద్ధు జొన్నలగడ్డ

స్టార్ బాయ్ సిద్ధు జొన్నలగడ్డ హీరోగా బొమ్మరిల్లు భాస్కర్ దర్శకత్వంలో రూపొందుతోన్న చిత్రం ‘జాక్ - కొంచెం క్రాక్’. వైష్ణవి…

1 day ago

‘మార్కో’ దర్శకుడు హనీఫ్ అదేనితో దిల్ రాజు ప్రొడక్షన్స్ పాన్ ఇండియన్ మల్టీస్టారర్ చిత్రం

టాలీవుడ్‌లో నిర్మాతగా దిల్ రాజుకి ఉన్న బ్రాండ్ అందరికీ తెలిసిందే. దిల్ రాజు ప్రొడక్షన్స్ నుంచి ఓ సినిమా వస్తుందంటే…

1 day ago

‘L2E: ఎంపురాన్’ థియేట్రికల్ ట్రైలర్…

ఖురేషి అబ్‌రామ్ యొక్క చీకటి ప్రపంచంలోకి అడుగు పెట్టండి: మార్చి 20న మ‌ల‌యాళ సూప‌ర్‌స్టార్‌, కంప్లీట్‌యాక్ట‌ర్‌ మోహన్‌లాల్, పృథ్వీరాజ్ సుకుమార‌న్‌…

2 days ago

American actor Kyle Paul took to supporting role in Toxic

American actor Kyle Paul took to his social media to share his thoughts about starring…

2 days ago

య‌ష్ లేటెస్ట్ యాక్ష‌న్ మూవీ ‘టాక్సిక్: ఎ ఫెయిరీటేల్ ఫర్ గ్రోనప్స్’ సెట్స్‌లో న‌టుడిగా గొప్ప అనుభ‌వాన్ని పొందాను – అమెరిక‌న్ న‌టుడు కైల్ పాల్‌

రాకింగ్ స్టార్ య‌ష్.. లేటెస్ట్ సెన్సేష‌న‌ల్ పాన్ ఇండియా మూవీ ‘టాక్సిక్: ఎ ఫెయిరీటేల్ ఫర్ గ్రోనప్స్’ గురించి అమెరికన్…

2 days ago