ముంబైలోని డోమ్లో జరిగిన మొట్టమొదటి బడ్ఎక్స్ NBA హౌస్ సెలబ్రిటీ గేమ్లో దక్షిణ భారత నటుడు, అథ్లెట్ అరవింద్ కృష్ణ సంచలనం సృష్టించారు. దిశా పటాని, బాద్షా, రణ్విజయ్ సింఘా, వరుణ్ సూద్ వంటి జాతీయ దిగ్గజాలు పాల్గొన్న ఈ ఆటలో దక్షిణాది నుంచి ప్రాతినిధ్యం వహించిన ఏకైక నటుడిగా అరవింద్ కృష్ణ నిలిచారు. మూడో నంబర్ జెర్సీ ధరించి కోర్ట్లో అడుగు పెట్టారు. గత ఏడాది మోకాలి గాయంతో బాధ పడిన అరవింద్ ఈ సారి మరింత శక్తివంతంగా తిరిగి వచ్చారు. అరవింద్ తన ప్రదర్శనతో అందరినీ ఆకట్టుకున్నారు.
అరవింద్ కృష్ట ప్రస్తుతం నటిస్తున్న ‘ఏ మాస్టర్ పీస్’ సినిమాని కూడా NBA ఇండియా అధికారిక స్పాట్లైట్ ప్రశంసించింది. అరవింద్ను పొగిడే క్రమంలో ఏ మాస్టర్ పీస్ అని కూడా అభివర్ణించారు. అరవింద్ కోర్టులో ఉన్న కమాండింగ్ ఉనికిని చూసి ఆర్గనైజర్స్ ఇలా ఏ మాస్టర్ పీస్ అని అతడ్ని కవిత్వాత్మకంగా ప్రశంసించారు. NBA నుండి ప్రేరణ పొందిన ఆ పసివాడు.. ఇప్పుడు ఏ మాస్టర్ పీస్ అంటూ సూపర్ హీరోగా తెరపైకి రాబోతోన్నారు.