హైదరాబాద్, సెప్టెంబర్ 7, 2022: అద్భుతమైన ఫిక్షన్, నాన్-ఫిక్షన్ షోలతో మరియు స్పెషల్ ఈవెంట్స్, వరల్డ్ టెలివిజన్ ప్రీమియర్స్ తో ‘జీ తెలుగు’ ఇరు రాష్ట్రాల ప్రేక్షకులను ఆకట్టుకుంటున్న విషయం తెలిసిందే. ఐతే, 2022లో అత్యధిక కలెక్షన్లు సాధించిన కేజిఎఫ్-చాప్టర్ 2 యొక్క వరల్డ్ టెలివిజన్ ప్రీమియర్ తో ఇటీవలే టీవీ ప్రేక్షకులకు వినోదాన్ని పంచిన ఈ ప్రముఖ ఛానల్, ఇప్పుడు మరో అద్భుతమైన దృశ్యకావ్యాన్ని వారి ముందుకు తేనుంది. ప్రపంచవ్యాప్తంగా ప్రశంసలు పొందిన ‘RRR’ చిత్రాన్ని సెప్టెంబర్ 11న (ఆదివారం) సాయంత్రం 5:30 గంటలకు హిందీ భాషలో ప్రసారం చేయనుంది. అంతేకాకుండా, మీ వారాంతానికి రెట్టింపు ఆనందాన్ని జోడిస్తూ ‘జీ సూపర్ ఫ్యామిలీ గ్రాండ్ ఫినాలే’ ఎపిసోడ్ని మధ్యాహ్నం 12 గంటలకు మరియు మహేష్ బాబు-సితార కలిసి పాల్గొన్న డాన్స్ ఇండియా డాన్స్-తెలుగు షో యొక్క మరో ఎపిసోడ్ రాత్రి 9 గంటలకు ప్రసారం చేయనుంది మీ ‘జీ తెలుగు’.
ఎస్.ఎస్ రాజమౌళి దర్శకత్వం వహించిన ‘RRR’ చిత్రం, జూనియర్ ఎన్టీఆర్ మరియు రామ్ చరణ్ ‘భీం మరియు అల్లూరి సీతారామరాజు’ పాత్రలలో అద్భుతమైన నటన కనబరచగా, అజయ్ దేవగన్ (వెంకట రామరాజు), అలియా భట్ (సీత), మరియు ఒలీవియా మోరిస్ (జెన్నిఫర్) తమదైన శైలిలో ఆకట్టుకున్నారు. ఈ కథలోని మలుపులు, ఎమోషనల్ డ్రామా, మరియు అద్భుతమైన యాక్షన్ సన్నివేశాలు ప్రేక్షకులకు ఒక మంచి అనుభూతిని కలుగజేయనున్నాయి.
‘RRR’ ప్రసారానికి కొన్ని గంటల ముందు ‘జీ సూపర్ ఫ్యామిలీ’ గ్రాండ్ ఫినాలే ఎపిసోడ్లో ముత్యమంత ముద్దు, గుండమ్మ కథ, కల్యాణ వైభోగం, మరియు అగ్నిపరీక్ష కు చెందిన టీమ్స్ పోటీపడనున్నాయి. వీరిలో ఎవరు అద్భుతమైన ప్రదర్శన కనబరిచి టైటిల్ ని నెగ్గుతారో తెలియాలంటే మధ్యాహ్నం 12 గంటలకు ఈ కార్యక్రమాన్ని తప్పక వీక్షించాల్సిందే! కేవలం ఆటలే కాకుండా, ఆమని మరియు స్నిగ్ద యొక్క సింగింగ్ యాక్ట్స్ ఈ ఎపిసోడ్ కే హైలైట్ గా నిలవనున్నాయి. ఇక, మీ వారాంతానికి బ్లాక్బస్టర్ ముగింపు పలకడానికి డాన్స్ ఇండియా డాన్స్-తెలుగు మరో కొత్త ఎపిసోడ్ తో రాత్రి 9 గంటలకు మీ ముందుకు రానుంది. గతవారంలాగే, ఈ వారం కూడా షో లో మహేష్-సితారల సందడి అందరిని ఆకట్టుకోనుంది.
సెప్టెంబర్ 11న (ఆదివారం) మధ్యాహ్నం 12 గంటలకు ‘జీ సూపర్ ఫ్యామిలీ’ గ్రాండ్ ఫినాలే ఎపిసోడ్ ని, సాయంత్రం 5:30 గంటలకు ‘RRR’ హిందీ ప్రసారాన్ని, మరియు రాత్రి 9 గంటలకు డాన్స్ ఇండియా డాన్స్-తెలుగు షోని తప్పక వీక్షించండి, మీ ‘జీ తెలుగు’ లో
యంగ్ టాలెంట్‌ను గుర్తించి ప్రోత్సహించడంలో ముందుండే ప్రముఖ దర్శకుడు రమేష్ వర్మ.. కొత్త దర్శకులకు అవకాశాలు కల్పించాలనే ఉద్దేశంతో ఆర్‌.వి…
వంశీ నందిపాటి ఎంటర్టైన్మెంట్స్, ఈటీవీ విన్ సంయుక్తంగా నిర్మించిన చిత్రం ‘ఇంకా ఏం అనుకోలేదు!’. వంశీ నందిపాటి నిర్మాతగా కన్ను…
మిస్టిక్ థ్రిల్లర్ ఫ్రాంచైజీలో ప్రేక్షకులను ఆకట్టుకున్న 'పొలిమేర' సిరీస్ నుంచి మూడో చిత్రంగా వస్తున్న 'పొలిమేర 3'పై అంచనాలు పెరుగుతున్నాయి.…
మంచు లక్ష్మిని అర్థం చేసుకున్నామనుకునేలోపే, ఆమె మరో కొత్త ఆశ్చర్యానికి తెరతీస్తారు! ఇటీవల ఆమె సోషల్ మీడియాలో కొన్ని ఆసక్తికరమైన…
పి.ఎస్.జె. ఫిలిమ్స్ అండ్ కో బ్యానర్ మీద ప్రదీప్ కుమార్, గుండబోయిన శ్రీనివాస్ నిర్మాణంలో సురేందర్ చాచా తెరకెక్కించిన చిత్రం…
సుమ చిత్ర ఆర్ట్స్ సమర్పణలో సుమయా రెడ్డి స్వీయ నిర్మాణంలో నటిస్తున్న రెండో ప్రాజెక్ట్‌ని త్వరలోనే ప్రకటించనున్నారు. ‘డియర్ ఉమ’…