యంగ్ అండ్ ప్రామిసింగ్ హీరో విశ్వక్ సేన్ ఫలక్‌నుమా దాస్‌తో తన దర్శకత్వ ప్రతిభని నిరూపించుకున్నారు. హీరోగా ప్రధాన పాత్రతో పాటు దర్శకత్వం కూడా చేసి పెద్ద విజయాన్ని అందుకున్నారు. ఇప్పుడు విశ్వక్ సేన్ హీరోగా తన స్వీయ దర్సకత్వంలో రాబోతున్న చిత్రం ‘దాస్ కా ధమ్కీ’. వన్మయే క్రియేషన్స్, విశ్వక్సేన్ సినిమాస్ బ్యానర్లపై కరాటే రాజు నిర్మిస్తున్న ఈ చిత్రానికి ప్రసన్న కుమార్ బెజవాడ కథ, మాటలు అందించారు. నివేదా పేతురాజ్ కథానాయిక.
దాస్ కా ధమ్కి రోమ్-కామ్, యాక్షన్ థ్రిల్లర్. తెలుగు ప్రేక్షకులకు కొత్త అనుభూతిని ఇవ్వనుంది. హిలేరియస్ ఎంటర్ టైమెంట్ తో పాటు భారీ యాక్షన్ వుంటుంది. ఇందులో ఎంటర్ టైమెంట్ యాక్షన్ చాలా కొత్త రకమైన థ్రిల్స్‌ను అందించనున్నాయి. 95% చిత్రీకరణ పూర్తయింది, మిగిలిన భాగాన్ని ఒక వారంలో పూర్తి చేయనున్నారు. ఆర్‌ఆర్‌ఆర్‌, హరి హర వీర మల్లు చిత్రాలకు స్టంట్స్ కొరియోగ్రఫీ చేసిన బల్గేరియన్ ఫైట్ మాస్టర్స్ టోడర్ లాజరోవ్-జుజితో చిత్ర బృందం సినిమా క్లైమాక్స్ ఫైట్‌ను చిత్రీకరిస్తోంది. హైదరాబాద్‌లోని సారధి స్టూడియోస్‌లో వేసిన భారీ సెట్‌లో షూటింగ్ జరుగుతోంది.
ఫుకెట్‌లో ఒక నెల షూటింగ్ షెడ్యూల్‌ను, స్పెయిన్‌లో ఒక చిన్న షెడ్యూల్‌ను టీమ్ పూర్తి చేసుకుంది. దీపావళి కి ఫస్ట్‌లుక్ పోస్టర్‌ని విడుదల చేసి ప్రమోషన్స్‌ను ప్రారంభించనున్నారు. బింబిసార చిత్రానికి పనిచేసిన రామకృష్ణ మాస్టర్ యాక్షన్ ఎపిసోడ్‌కు కొరియోగ్రఫీ చేయగా వెంకట్ మాస్టర్ స్టైలిష్ యాక్షన్ ఎపిసోడ్‌ను పర్యవేక్షించారు. చిత్రానికి దినేష్ కె బాబు సినిమాటోగ్రఫర్ గా, లియోన్ జేమ్స్ సంగీతం అందించగా, అన్వర్ అలీ ఎడిటర్ గా పని చేస్తున్నారు. రావు రమేష్, హైపర్ ఆది, రోహిణి, పృథ్వీరాజ్ తదితరులు ఈ సినిమాలో ఇతర ముఖ్య తారాగణం. ప్రతి నటుడికి సమానమైన, మంచి ప్రాముఖ్యత ఉంది. తెలుగు, తమిళం, కన్నడ, మలయాళం, హిందీ భాషల్లో ఈ చిత్రం విడుదల కానుంది.
ఈ సందర్భంగా ఏర్పాటు చేసిన మీడియా సమావేశంలో ‘దాస్ కా ధమ్కీ’ యూనిట్ చిత్ర విశేషాలని పంచుకుంది.
విశ్వక్ సేన్ మాట్లాడుతూ.. ఫలక్‌నుమా దాస్ మా హోమ్ బ్యానర్ లో తీసిన మొదటి సినిమా. నేను ఎవరో కూడా తెలియని సమయంలో నన్ను ఎంతగానో సపోర్ట్ చేశారు. మీడియాకి కృతజ్ఞతలు. ‘దాస్ కా ధమ్కీ’ నా దర్సకత్వంలో వస్తున్న రెండో సినిమా. ఫలక్‌నుమా దాస్ కి దర్శకుడిగా పూర్తి క్రెడిట్ రాలేదనే భావిస్తా. ఎందుకంటె అది రీమేక్ సినిమా. దర్శకుడిగా నన్ను నేను సంపూర్ణంగా పరిచయం చేసుకుంటున్న సినిమా ‘దాస్ కా ధమ్కీ’. నటిగా నాకు తృప్తిని ఇచ్చిన చిత్రమిది. ప్రసన్న అద్భుతమైన కథ ఇచ్చారు. హిలేరియస్ ఎంటర్ టైనర్. అదే సమయంలో థియేటర్లో చెమటలు కూడా పడతాయి. ఇందులో నివేదా పేతురాజ్, రావు రమేష్, హైపర్ ఆది, రోహిణి , పృథ్వీరాజ్ అద్భుతంగా నటించారు. ఇండియన్ సినిమా ఇది. తెలుగు, హిందీ, తమిళ్, మలయాళం, కన్నడ భాషల్లో విడుదల చేస్తున్నాం. బల్గేరియన్ ఫైట్ మాస్టర్స్ టోడర్ లాజరోవ్-జుజితో అద్భుతంగా యాక్షన్ డిజైన్ చేశారు. తెలుగు సినిమాకి కొత్త అప్రోచ్ వచ్చింది. క్లైమాక్స్ ఫైట్ హైలట్ గా వుంటుంది. వెంకట్ మాస్టర్ మరో వండర్ ఫుల్ స్టయిలీస్ ఫైట్ కంపోజ్ చేశారు. రామకృష్ణ గారు మరో కలర్ ఫుల్ యాక్షన్ ని డిజైన్ చేశారు. లియోన్ జేమ్స్ చక్కని మ్యూజిక్ ఇచ్చారు. సినిమా ఖచ్చితంగా సినిమా న్యూ ఏజ్ వైబ్ ఇస్తుంది. థియేటర్ లో ఖచ్చితంగా ప్రేక్షకులు ఆదరిస్తారు. ఈ నమ్మకంతోనే ఈ సినిమాని స్వయంగా దర్శక, నిర్మాణం చేపట్టాను. నా సినిమాలన్నిటికంటే ‘దాస్ కా ధమ్కీ’ పెద్ద సినిమా. దీపావళికి ఫస్ట్ లుక్ విడుదల చేస్తున్నాం. త్వరలోనే రిలీజ్ డేట్ ని ప్రకటిస్తాం” అని తెలిపారు.
కరాటే రాజు మాట్లాడుతూ.. ‘దాస్ కా ధమ్కీ’ లో నవరసాలు వుంటాయి. భారీ బడ్జెట్ సినిమా ఇది. అద్భుతమైన కథ. ఎక్కడా రాజీ పడకుండా వున్నతమైన నిర్మాణ విలువలతో ఈ సినిమా తీస్తున్నాం. ప్రేక్షకులకు తప్పకుండా నచ్చుతుంది.” అన్నారు
యంగ్ టాలెంట్‌ను గుర్తించి ప్రోత్సహించడంలో ముందుండే ప్రముఖ దర్శకుడు రమేష్ వర్మ.. కొత్త దర్శకులకు అవకాశాలు కల్పించాలనే ఉద్దేశంతో ఆర్‌.వి…
వంశీ నందిపాటి ఎంటర్టైన్మెంట్స్, ఈటీవీ విన్ సంయుక్తంగా నిర్మించిన చిత్రం ‘ఇంకా ఏం అనుకోలేదు!’. వంశీ నందిపాటి నిర్మాతగా కన్ను…
మిస్టిక్ థ్రిల్లర్ ఫ్రాంచైజీలో ప్రేక్షకులను ఆకట్టుకున్న 'పొలిమేర' సిరీస్ నుంచి మూడో చిత్రంగా వస్తున్న 'పొలిమేర 3'పై అంచనాలు పెరుగుతున్నాయి.…
మంచు లక్ష్మిని అర్థం చేసుకున్నామనుకునేలోపే, ఆమె మరో కొత్త ఆశ్చర్యానికి తెరతీస్తారు! ఇటీవల ఆమె సోషల్ మీడియాలో కొన్ని ఆసక్తికరమైన…
పి.ఎస్.జె. ఫిలిమ్స్ అండ్ కో బ్యానర్ మీద ప్రదీప్ కుమార్, గుండబోయిన శ్రీనివాస్ నిర్మాణంలో సురేందర్ చాచా తెరకెక్కించిన చిత్రం…
సుమ చిత్ర ఆర్ట్స్ సమర్పణలో సుమయా రెడ్డి స్వీయ నిర్మాణంలో నటిస్తున్న రెండో ప్రాజెక్ట్‌ని త్వరలోనే ప్రకటించనున్నారు. ‘డియర్ ఉమ’…