గ్రీకు గాడ్ ఆఫ్ ఇండియా అని అభిమానులు ఎంతో ఇష్టంగా పిలుచుకునే హృతిక్ రోషన్ ప్రస్తుతం ‘వార్ 2’తో బిజీగా ఉన్నారు. భారతదేశంలో అతిపెద్ద సూపర్ స్టార్లలో ఒకరైన హృతిక్ తన యాక్షన్, డ్యాన్స్, స్క్రీన్ ప్రజెన్స్కు పెట్టింది పేరు. వరుస విజయాలను అందించే YRF స్పై యూనివర్స్లోని బ్లాక్బస్టర్ వార్ ఫ్రాంచైజీలో హృతిక్ సూపర్ గూఢచారి అయిన కబీర్ పాత్రను హృతిక్ అద్భుతంగా పోషించిన సంగతి తెలిసిందే.
‘వార్’ చిత్రంలో కబీర్ పాత్రలో హృతిక్ కనిపించిన తీరు, ఆయన స్టైలింగ్, లుక్స్, క్యాస్టూమ్స్కు ఇండియన్ బాక్సాఫీస్ షేక్ అయిన సంగతి తెలిసిందే. ఇక ‘వార్ 2’లోనూ హృతిక్ మళ్లీ కబీర్ పాత్రలో కనిపించనున్నారు. అయితే ఈ సారి మాత్రం మరింత స్టైలీష్గా కనిపించబోతోన్నారు. ఇప్పటికే రిలీజ్ చేసిన ‘వార్ 2’ టీజర్ అందరినీ ఆకట్టుకున్న సంగతి తెలిసిందే. ఇక ఆ టీజర్లో కబీర్ కారెక్టర్లో మరోసారి హృతిక్ మరింత స్టైలీష్గా కనిపించారు.
ఇక హృతిక్ క్యాస్టూమ్స్, స్టైలింగ్ గురించి వచ్చిన ప్రశంసలతో కాస్ట్యూమ్ డిజైనర్ అనైతా ష్రాఫ్ అడజానియా ఉబ్బితబ్బిబైపోయారు. ఈ మేరకు ఆమె మాట్లాడుతూ.. ‘ఈ చిత్రం హృతిక్ పాత్రను, ఆయన స్టైలింగ్ను మరింత స్పెషల్గా డిజైన్ చేశాం. ధూమ్ 2, బ్యాంగ్ బ్యాంగ్, వాణిజ్య ప్రకటనల్లో హృతిక్తో కలిసి పనిచేయడం నా అదృష్టం. చాలా కాలం తరువాత మళ్లీ ‘వార్’ సినిమాకు పని చేసే ఛాన్స్ వచ్చింది. ప్రతీ సారి మేం ఇద్దరం ఏదో ఒకటి కొత్తగా ట్రై చేసేవాళ్లం. కానీ ‘వార్’తో మేం పూర్తిగా రూట్ చేంజ్ చేశాం. మమూలు దుస్తులు వేసినా కూడా దాంట్లో ఓ ప్రత్యేకత ఉండాలని అనుకున్నాం. పైగా కబీర్ పాత్రలోని ఒంటరితనం, ఆ పాత్రలోని దేశ భక్తి ఇలా అన్నీ వ్యక్తం అవ్వాలనే ఉద్దేశంతో క్యాస్టూమ్స్, స్టైలింగ్ను డిజైన్ చేశాను. సాదారణ దుస్తుల్లోనూ ఓ సూపర్ హీరోలా కనిపించాలని నేను అనుకున్నాను.
ఈ సారి వార్ కంటే భిన్నంగా, మరింత అద్భుతంగా ఉండాలని కబీర్ పాత్ర కోసం శ్రమించాము. హెయిర్కట్ దగ్గర్నుంచి ప్రతీ విషయంపై ఎంతో శ్రద్ద పెట్టాము. హృతిక్లో ఉండే ఆ అట్రాక్టివ్ పవర్ను మరింతగా మెరుగుపర్చేలా స్టైలింగ్ చేశాను’ అని అన్నారు.
ఆదిత్య చోప్రా నిర్మాణంలో అయాన్ ముఖర్జీ దర్శకత్వం వహించిన ఈ ‘వార్ 2’లో మ్యాన్ ఆఫ్ ది మాసెస్ ఎన్టీఆర్, హృతిక్ రోషన్ మధ్య ఢీ అంటే ఢీ అనే పోటీ ఉండనుంది. కియారా అద్వానీ మరో ప్రధాన పాత్రను పోషించారు. ఈ చిత్రం ఆగస్టు 14న ప్రపంచవ్యాప్తంగా హిందీ, తమిళం, తెలుగు భాషలలో విడుదల కానుంది.
అర్జున్ కోలా దర్శకత్వంలో దినేష్ తేజ్, దష్విక.కె హీరో హీరోయిన్లుగా నటించిన చిత్రం 'తత్వం' త్రయతి ఇషాని క్రియేషన్స్, ఎస్.కె.ప్రొడక్షన్స్…
స్నేహా రెడ్డి అంటే చాలామందికి ముందుగా గుర్తుకు వచ్చేది స్టార్ హీరో అల్లు అర్జున్ భార్యగానే. అయితే ఆమె తనకంటూ…
‘డోంట్ ట్రబుల్ ది ట్రబుల్ ’ను అందరూ థియేటర్స్లో ఎంజాయ్ చేస్తారు.. సినిమా పెద్ద హిట్ అవుతుంది: దర్శకధీరుడు ఎస్.ఎస్.రాజమౌళి…
ఇటీవల జరిగిన నిర్మాతల మండలి ఎన్నికల్లో కోశాధికారిగా ఘనవిజయం సాధించినశ్రీ చదలవాడ శ్రీనివాసరావును ఫిలింక్రిటిక్స్ అసోసియేషన్ సీనియర్ సభ్యులు, కార్యవర్గం…
ఆదిత్య హాసన్ రచన చాలా బాగుంది.. ‘ఎపిక్’ ఘన విజయం సాధించాలని కోరుకుంటున్నాను: ప్రముఖ దర్శకుడు సందీప్ రెడ్డి వంగా…
ప్రముఖ దర్శకులు ‘ప్రేయసి రావే‘ ఫేమ్ మహేష్ చంద్ర దర్శకత్వంలో తెరకెక్కిన ‘పిఠాపురంలో… అలా మొదలైంది’ చిత్రం సెప్టెంబర్ 18న…