–మా చిత్రాన్ని ఆదరిస్తున్న ప్రేక్షకులకు కృతజ్ఞతలు – దర్శక నిర్మాత డా. ప్రతాని రామకృష్ణ గౌడ్
ఆర్ కె ఫిలిమ్స్, సిగ్ధ క్రియేషన్స్ బ్యానర్లపై డా. ప్రతాని రామకృష్ణ గౌడ్ దర్శకత్వం వహించి నిర్మించిన చిత్రం “ఆర్ కే దీక్ష”. డి.ఎస్. రెడ్డి సమర్పణలో రూపొందిన ఈ చిత్రంలో ఢీ, జోడి ఫేమ్ అక్స ఖాన్, అలేఖ్య రెడ్డి హీరోయిన్లుగా నటించగా, కిరణ్ హీరోగా కనిపించారు. తులసి, అనూష, కీర్తన, ప్రవల్లిక, రోహిత్ శర్మ తదితరులు కీలక పాత్రలు పోషించారు. నిన్న (జూలై 3న) గ్రాండ్ థియేట్రికల్ రిలీజ్కు వచ్చిన ఈ సినిమా అన్ని వర్గాల ప్రేక్షకుల ఆదరణతో సక్సెస్ ఫుల్ గా ప్రదర్శితమవుతోంది. ఈ సందర్భంగా మూవీ టీమ్ సప్తగిరి థియేటర్ ను సందర్శించి అక్కడే మీడియా సమావేశం నిర్వహించారు. ఈ కార్యక్రమంలో
దర్శక నిర్మాత డా. ప్రతాని రామకృష్ణ గౌడ్ మాట్లాడుతూ – ఈ రోజు హైదరాబాద్ సప్తగిరి థియేటర్ లో మా “ఆర్ కే దీక్ష” సినిమాను చూశాం. సినిమాకు మంచి రెస్పాన్స్ వస్తోంది. రెండు తెలుగు రాష్ట్రాల్లో మంచి సెంటర్స్ లో మా మూవీ రిలీజైంది. అన్ని చోట్లా పాజిటివ్ టాక్ ఉంది. ఇంకా కలెక్షన్స్ పెరిగాయి. ఈ రోజు సప్తగిరిలో ఆల్మోస్ట్ హౌస్ ఫుల్ అయ్యింది. ఇంకా కలెక్షన్స్ పికప్ అవుతాయని ఆశిస్తున్నాం. మూడు ప్రధాన కథల్ని కలిపి ఈ సినిమాను రూపొందించాను. మూడు జంటలు కూడా బాగా పర్ ఫార్మ్ చేశారు. కిరణ్ నటనతో పాటు యాక్షన్ సీక్వెన్సుల్లోనూ ఆకట్టుకున్నాడు. నంది నంది పాటలో అక్సా డ్యాన్సులు హైలైట్ గా నిలుస్తున్నాయి. వీరికి నంది అవార్డ్ రావాలని కోరుకుంటున్నా. నటి తులసి చేసిన క్యారెక్టర్ కు కూడా మంచి రెస్పాన్స్ వస్తోంది. మా మూవీని ప్రేక్షకులంతా ఆదరించాలని కోరుకుంటున్నా అన్నారు.
హీరో కిరణ్ మాట్లాడుతూ – మా “ఆర్ కే దీక్ష” సినిమాలో నేను హీరోగా నటించాను. మా చిత్రాన్ని సక్సెస్ చేసిన ప్రతి ఒక్కరికీ థ్యాంక్స్. థియేటర్ లో ప్రతి ఒక్కరూ మా మూవీని ఎంజాయ్ చేస్తున్నారు. థియేటర్ మూడొంతలు పైగా ఫిల్ అయ్యింది. పాజిటివ్ టాక్ తో మా సినిమా రన్ అవుతోంది. మా ప్రతాని రామకృష్ణ గౌడ్ గారు ఒక మంచి చిత్రాన్ని రూపొందించారు. ఆయనకు థ్యాంక్స్ చెబుతున్నాం. మా హీరోయిన్ అక్సాఖాన్ పర్ ఫార్మెన్స్ కు, డ్యాన్సులకు కూడా థియేటర్ లో మంచి రెస్పాన్స్ వస్తోంది. అన్నారు.
హీరోయిన్ అక్సాఖాన్ మాట్లాడుతూ – ఈ రోజు మా “ఆర్ కే దీక్ష” సినిమాను ప్రేక్షకులతో కలిసి చూశాం. ఆడియెన్స్ రెస్పాన్స్ చూస్తుంటే హ్యాపీగా ఉంది. ఈ చిత్రంలో హీరోయిన్ గా నటించే అవకాశం రావడం అదృష్టంగా భావిస్తున్నా. ఇందుకు రామకృష్ణ గౌడ్ గారికి థ్యాంక్స్. మా మూవీలో నంది నంది సాంగ్ ను ప్రేక్షకులు బాగా ఎంజాయ్ చేస్తున్నారు. మా మూవీని మరింతగా ఆదరించాలని కోరుకుంటున్నా అన్నారు.
నటి తులసి మాట్లాడుతూ – “ఆర్ కే దీక్ష” సినిమాకు రామకృష్ణ గౌడ్ గారు సూపర్బ్ గా డైరెక్షన్ చేశారు. మా సినిమా మంచి విజయం సాధించడం సంతోషంగా ఉంది. ఈ చిత్రంలో హీరోయిన్ ఫ్రెండ్ క్యారెక్టర్ చేశాను. అలేఖ్య రెడ్డి, అక్సఖాన్ కాంబినేషన్ లో నేను చేసిన సీన్స్ ను ప్రేక్షకులు ఇష్టపడుతున్నారు అన్నారు.
నటీనటులు : కిరణ్, అక్స ఖాన్, అలేఖ్య రెడ్డి, తులసి, అనూష, కీర్తన, ప్రవల్లిక, రోహిత్ శర్మ తదితరులు.
టెక్నికల్ టీమ్:
దర్శక నిర్మాత : డా. ప్రతాని రామకృష్ణ గౌడ్
సమర్పకులు : డీఎస్ రెడ్డి
బ్యానర్స్ : ఆర్ కె ఫిలిమ్స్, సిగ్ధ క్రియేషన్స్
సంగీతం : రాజ్ కిరణ్
ఎడిటర్ : మేఘన శ్రీను
ఫైట్స్ : రవి
డాన్స్ : ఆనంద్
పిఆర్ఓ : చందు రమేష్