డైనమిక్ హీరో విష్ణు నటించిన ‘కన్నప్ప’ చిత్రం ఎంతటి విజయాన్ని సాధించిందో అందరికీ తెలిసిందే. గత ఏడాది రిలీజ్ అయిన ఈ మూవీకి అన్ని వర్గాల ప్రేక్షకుల నుంచి ఆదరణ దక్కింది. ఇక ఈ సినిమా విడుదలై ఏడాది అయిన సందర్భంగా జూన్ 27 రీ రిలీజ్ చేసిన సంగతి తెలిసిందే. రీ రిలీజ్లోనూ కన్నప్ప సినిమాకి మంచి రెస్పాన్స్ వచ్చింది. అవా ఎంటర్టైన్మెంట్స్, 24 ఫ్రేమ్స్ ఫ్యాక్టరీ బ్యానర్ల మీద ‘కన్నప్ప’ మూవీని డా. ఎం. మోహన్ బాబు నిర్మించిన సంగతి తెలిసిందే. ముఖేష్ కుమార్ సింగ్ ఈ చిత్రాన్ని తెరకెక్కించగా అద్భుతమైన విజయాన్ని సొంతం చేసుకుంది.
‘కన్నప్ప’ ప్రాజెక్ట్లో మోహన్ బాబు, అక్షయ్ కుమార్, మోహన్ లాల్, ప్రభాస్, కాజల్, బ్రహ్మానందం ఇలా ఎంతో మంది గొప్ప నటీనటులు కీలక పాత్రలను పోషించడంతో ప్యాన్ ఇండియా వైడ్గా క్రేజ్ను దక్కించుకుంది. ఇక ఈ మూవీ అవా ఎంటర్టైన్మెంట్ యూట్యూబ్ చానెల్లో అందుబాటులోకి వచ్చింది. తెలుగు, తమిళ్, కన్నడ, మలయాళం భాషల్లో ఈ చిత్రం యూట్యూబ్లో స్ట్రీమింగ్ అవుతోంది. ప్రస్తుతం యూట్యూబ్లో ఈ సినిమా విజయవంతంగా దూసుకుపోతోంది.