అవ్వల్ నంబర్ ప్రొడక్షన్స్ ఎల్ఎల్పి బ్యానర్ పై మాధవి రెడ్డి సోమ నిర్మాణంలో రమణా రెడ్డి సోమ దర్శకత్వంలో తెరకెక్కిన సినిమా ‘అమీర్ లోగ్’. ఎంసీ హరి, మనోజ్, శశిధర్ హీరోలుగా నటించిన ఈ చిత్రంలో వేద జలంధర్ , రావణ్ నిట్టూరు, విశ్వేందర్ రెడ్డి, సాయియోగి పలువురు కీలక పాత్రలు పోషించారు. ఈ మూవీని రానా స్పిరిట్ మీడియా రిలీజ్ చేయబోతోంది. ఈ క్రమంలో నిర్మాత వంశీ నందిపాటి మూవీ టీజర్ను రిలీజ్ చేశారు. ఈ సందర్భంగా నిర్వహించిన టీజర్ లాంచ్ ఈవెంట్లో..
వంశీ నందిపాటి మాట్లాడుతూ .. ‘‘అమీర్ లోగ్’ మూవీని నేను ఆల్రెడీ చూశాను. డబ్బు పరంగా రిచ్ అని అనుకుంటారు. కానీ స్నేహం, ప్రేమ విషయంలో రిచ్. మిడిల్ క్లాస్ జీవితాల్ని చూపించారు. సినిమాని చూస్తూ నేనెంతో ఎంజాయ్ చేశాను. ఎంతో వైబ్ కనిపించింది. ప్రాపర్ హైదరాబాద్ను చూపించిన చిత్రాల జాబితాల్లో ‘అమీర్ లోగ్’ ఉంటుంది. బిల్డింగ్ స్ట్రక్ఛర్ గురించి రమణా రెడ్డి గారిని కలిశాను. ‘అమీర్ లోగ్’తో రమణా రెడ్డి గారు నన్నైతే నిరుత్సాహపర్చలేదు. ఎంతో ఎత్తైన బిల్డింగ్లను నిర్మించే రమణా రెడ్డి గారు.. ‘అమీర్ లోగ్’ని అంతే ఎత్తులో నిలబెట్టారు. ఈ చిత్రంలో అందరూ అద్భుతంగా నటించారు. ఇలాంటి ఓ చక్కటి చిత్రానికి స్మరణ్ చక్కటి మ్యూజిక్ ఇచ్చారు. ఇందులోని పది పాటలు అద్భుతంగా ఉంటాయి. ఈ చిత్రంతో ఎంతో మంది కొత్త వాళ్లు తెరకు పరిచయం కాబోతోన్నారు. ఇలాంటి సినిమాలు ఆడితేనే తెలుగు పరిశ్రమ గర్వంగా తలెత్తుకుని తిరుగుతుంది. ఇలాంటి చిత్రాన్ని సపోర్ట్ చేస్తున్న స్పిరిట్ మీడియాకి థాంక్స్’ అని అన్నారు.
దర్శకుడు రమణా రెడ్డి మాట్లాడుతూ .. ‘‘అమీర్ లోగ్’ సినిమా ట్రైలర్ లాంచ్కు వచ్చిన ప్రతీ ఒక్కరికీ థాంక్స్. మా కోసం వచ్చి టీజర్ను రిలీజ్ చేసిన వంశీ గారికి థాంక్స్. నేను రాసిన కథను నటనతో ఇంకో లెవెల్కి తీసుకు వెళ్లిన ఆర్టిస్టులకు థాంక్స్. మా సినిమా అందరినీ అలరిస్తుందని నమ్మకంగా చెబుతున్నాను’ అని అన్నారు.
ఎగ్జిక్యూటివ్ ప్రొడ్యూసర్ సందీప్ మాట్లాడుతూ ..‘‘అమీర్ లోగ్’ టీజర్ లాంచ్ ఈవెంట్కు వచ్చిన ప్రతీ ఒక్కరికీ థాంక్స్’ అని అన్నారు.
కామ్రేడ్ కళ్యాణ్ నిర్మాత వెంకట కృష్ణ మాట్లాడుతూ .. ‘‘అమీర్ లోగ్’ టీజర్ లాంచ్ ఈవెంట్కి వచ్చిన ప్రతీ ఒక్కరికీ థాంక్స్. రమణ రెడ్డికి సినిమా పట్ల ఎంతో ప్యాషన్ ఉంది. ఈ టీం అంతా ఎంతో కష్టపడి మూవీని చేసింది. ఇలాంటి ప్రయత్నాన్ని అందరూ సపోర్ట్ చేయాలి. స్మరణ్ గారు మంచి మ్యూజిక్ ఇచ్చారు. ఇలాంటి మూవీకి విజయం దక్కాలని కోరుకుంటున్నాను’ అని అన్నారు.
మ్యూజిక్ డైరెక్టర్ స్మరణ్ సాయి మాట్లాడుతూ .. ‘‘అమీర్ లోగ్’ నాకెంతో ప్రత్యేకం. షూటింగ్ అంతా లంగర్ హౌజ్లో, మ్యూజిక్ అంతా కాచిగూడలో జరిగింది. ప్రాపర్ హైదరాబాద్ సినిమా. ఈ మూవీలో బిర్యానీ గురించే ఎక్కువగా ఉంటుంది. అందరూ కొత్త వారే నటించారు. టీజర్ అందరికీ నచ్చే ఉంటుందని భావిస్తున్నాను. ఈ మూవీ అందరినీ ఆకట్టుకునేలా ఉంటుంది’ అని అన్నారు.
మనోహర్ రెడ్డి మాట్లాడుతూ .. ‘‘అమీర్ లోగ్’ సినిమా బాగా వచ్చింది. ఫలితాన్ని ఆడియెన్స్ చెబుతారు. త్వరలోనే మా మూవీని ఆడియెన్స్ ముందుకు తీసుకు వస్తున్నామ’ని అన్నారు.
నటుడు మనోజ్ మాట్లాడుతూ .. ‘‘అమీర్ లోగ్’ టీజర్ లాంచ్కి వచ్చిన వంశీ గారికి థాంక్స్. మాకు సపోర్ట్ చేస్తున్న స్పిరిట్ మీడియాకి థాంక్స్. మా అందరినీ ఎంకరేజ్ చేసిన రమణ గారికి థాంక్స్. మాధవి గారి వల్లే ఈ చిత్రం ఇంత బాగా వచ్చింది. స్మరణ్ అన్న మ్యూజిక్ వల్ల మా సినిమా నెక్ట్స్ లెవెల్కి వెళ్లింది. టీజర్ అందరికీ నచ్చే ఉంటుందని భావిస్తున్నాం. త్వరలోనే మరింత కంటెంట్ మా చిత్రం నుంచి రానుంది’ అని అన్నారు.
వేద జలంధర్ మాట్లాడుతూ .. ‘మా కోసం వచ్చిన వంశీ గారికి థాంక్స్. రమణ గారి వల్లే ‘అమీర్ లోగ్’ అద్బుతంగా వచ్చింది. టీజర్ అందరికీ నచ్చే ఉంటుందని ఆశిస్తున్నాను. గీత అనే పాత్రను నాకు ఇచ్చిన దర్శక, నిర్మాతలకు థాంక్స్. స్మరణ్ వల్లే మా సినిమా స్థాయి పెరిగింది. విజువల్స్ ఎంతో నేచురల్గా ఉంటాయి. మరిన్ని అప్డేట్లతో ప్రేక్షకుల్ని అలరిస్తామ’ని అన్నారు.
నటుడు విశ్వేందర్ రెడ్డి మాట్లాడుతూ .. ‘‘అమీర్ లోగ్’ నా మనసుకు నచ్చిన చిత్రం. ఈ కథ అంతా కూడా బిర్యానీ చుట్టూనే తిరుగుతుంది. ఈ అద్భుతమైన టీంతో పని చేయడం ఆనందంగా ఉంది. ఇందులోని ప్రతీ పాత్ర నటించినట్టుగా అనిపించదు. మా మూవీని రిలీజ్ చేస్తున్న స్పిరిట్ మీడియాకి థాంక్స్’ అని అన్నారు.
నటీనటులు :
ఎంసీ హరి, మనోజ్, శశిధర్, వేద జలంధర్, రావణ్ నిట్టూరు, విశ్వేందర్ రెడ్డి, సాయి యోగి తదితరులు.
సాంకేతిక బృందం:
దర్శకుడు: రమణ రెడ్డి సోమ
నిర్మాత: మాధవి రెడ్డి సోమ
సహ నిర్మాత: మనోహర్ రెడ్డి మంచూరి
విడుదల: రానా దగ్గుబాటి స్పిరిట్ మీడియా
DoP : ఎస్వీకే (SVK)
ఎడిటర్: రోహిత్ పెనుమత్స
సంగీతం: స్మరణ్ సాయి
పోస్టర్స్ డిజైన్: శక్తి
సింక్ సౌండ్ & మిక్సింగ్: స్వప్నిక్ రావు
చీఫ్ అసిస్టెంట్ డైరెక్టర్: సాయి యోగి
ఎగ్జిక్యూటివ్ ప్రొడ్యూసర్: సందీప్ బొరెడ్డి
లైన్ ప్రొడ్యూసర్: శరత్ పోలవరపు
పీఆర్వో: సాయి సతీష్