ఘనంగా ఎర్రచీర థ్యాంక్స్ మీట్, యాక్టింగ్ క్వీన్ కారుణ్య చౌదరి బర్త్ డే సెలబ్రేషన్స్

నేటి సినిమాల్లో హారర్ జోనర్ అంటే కేవలం దెయ్యం పగ తీర్చుకోవడం అనే మూస ధోరణి కనిపిస్తుంది. కానీ, దానికి “మదర్ సెంటిమెంట్” అనే అరుదైన ఎమోషన్‌ను జోడించి, ఒక యదార్థ సంఘటన ఆధారంగా దర్శకుడు క్రియేటివ్ స్టార్ సుమన్ బాబు తెరకెక్కించిన చిత్రం ‘ఎర్రచీర-ది బిగినింగ్’. బేబి డమరి సమర్పణలో శ్రీ పద్మాయల ఎంటర్టైన్మెంట్స్, శ్రీ సుమన్ వెంకటాద్రి ప్రొడక్షన్స్ బ్యానర్స్‌పై ఎన్‌వీవీ సుబ్బారెడ్డి, సుమన్ బాబు సంయుక్తంగా నిర్మించిన ఈ చిత్రం ఫిబ్రవరి 6న గ్రాండ్‌గా రిలీజ్ అయింది. మదర్ సెంటిమెంట్, హారర్, యాక్షన్ అంశాలతో రూపొందిన ఈ సినిమాలో ప్రముఖ నటుడు రాజేంద్రప్రసాద్ ముద్దుల మనవరాలు బేబీ సాయి తేజస్విని కీలక పాత్రలో నటించగా, దర్శకుడు సుమన్ బాబు స్వీయ దర్శకత్వం వహిస్తూ ఒక ముఖ్య పాత్రను కూడా పోషించారు. యాక్టింగ్ క్వీన్ కారుణ్య చౌదరి రెండు డిఫరెంట్ వేరియషన్స్ ఉన్న పాత్రల్లో అద్భుతంగా నటించి మెప్పించారు. రెండు తెలుగు రాష్ట్రాల్లో సినిమాకు వస్తున్న అద్భుతమైన ఆదరణకు టీమ్ ఫిదా అవుతోంది. భర్త ప్రేమ కంటే మాతృప్రేమ గొప్పదంటూ చెప్పే అద్భుతమైన మెసేజ్‌తో వచ్చిన తమ చిత్రాన్ని ఎంతగానో ఆదరిస్తున్న ప్రేక్షకులకు ధన్యవాదాలు చెప్పేందుకు మూవీ టీమ్ ఆదివారం థ్యాంక్స్ మీట్ నిర్వహించింది. సినిమాలోని ముద్దు పాటకు థియేటర్లలో వస్తున్న రెస్పాన్స్‌పై టీమ్ హర్షం వ్యక్తం చేసింది. ఆ సందడిని గుర్తు చేసుకుంటూ ముందుగా హీరో సుమన్ బాబు, హీరోయిన్ కారుణ్య చౌదరి ఇద్దరూ ఎంతో సరదాగా ముద్దు పాటకు డ్యాన్స్ చేసి అలరించారు.

అనంతరం ఈ కార్యక్రమంలో ప్రముఖ డిస్ట్రిబ్యూటర్, జయలక్ష్మి ఫిలిమ్స్ అధినేత ద్రోణాదుల వెంకట్రావ్ మాట్లాడుతూ.. ‘‘ఫిబ్రవరి 6న విడులయ్యే అన్ని సినిమాల్లో ఎర్ర చీర ఒకటే థియేటర్లలో బలంగా నిలబడుతుందని ప్రీరిలీజ్ ఈవెంట్‌లో చెప్పాను. ఇప్పుడు అదే జరుగుతోంది. దీనంతటికి కారణం ఒకే ఒక్కడు సుమన్ బాబు. ఆయన ఎంతో కష్టపడి కుటుంబమంతా చూడగలిగే అద్భుతమైన చిత్రాన్ని తీశారు. మంచి ఎమోషన్స్, సెంటిమెంట్ ఉన్న ఈ చిత్రానికి బి,సి సెంటర్స్‌లో ఆడియన్స్ బ్రహ్మరథం పడుతున్నారు. అన్ని చోట్లా సినిమాకు మంచి ఆదరణ వస్తోంది. సినిమాను ఆదరిస్తున్న ప్రేక్షకులందరికీ ధన్యవాదాలు’’ అని చెప్పారు.

యాక్టింగ్ క్వీన్ కారుణ్య చౌదరి మాట్లాడుతూ.. “మా సినిమాను మంచి సక్సెస్ చేసిన ప్రేక్షకులందరికీ చాలా పెద్ద థాంక్స్. మరీ ముఖ్యంగా మహిళలు ఎర్రచీర సినిమాను ఎక్కువగా ఆదరిస్తున్నారు. క్లైమాక్స్ సీన్‌కి ప్రతి ఒక్కరూ కన్నీళ్లు పెట్టుకుంటున్నారు. సుమన్ బాబు గారు వన్ మాన్ షో లాగా అన్నీ తానే అయి ఇంత మంచి సినిమా తీశారు. నేను ఇందులో రెండు క్యారెక్టర్స్ చేశాను. అందులో పార్వతి పాత్రను బాగా ఎంజాయ్ చేశా. భర్త ప్రేమ కంటే కుమార్తెపై తల్లి ప్రేమ గొప్పదని చెప్పే ఈ చిత్రాన్ని ఇంకా చూడని వాళ్లు ఎవరైనా ఉంటే వెంటనే థియేటర్లకు వెళ్లి చూడండి.” అన్నారు.

దర్శకుడు, నటుడు, నిర్మాత సుమన్ బాబు మాట్లాడుతూ.. “నా సినిమా ప్రమోషన్స్‌కి వచ్చి నన్ను ఎంతగానో సపోర్ట్ చేసిన సినీ ప్రముఖులందరికి పేరు పేరున థాంక్స్. సినిమా ఇంత బాగా రావడానికి కారణం అయిన నా సినిమా టీమ్ అందరికీ కృతజ్ఞతలు. సినిమాను అన్ని థియేటర్స్‌లో ప్రేక్షకులు బాగా ఎంజాయ్ చేస్తున్నారు. నేను ఓ థియేటర్‌కి వెళ్లి చూస్తే ఆడియన్స్ డాన్స్‌లు చేస్తున్నారు. 250కిపైగా థియేటర్స్‌లో మా ఎర్రచీర సినిమా విజయవంతంగా ఆడుతోంది. ప్రతి ఒక్కరూ థియేటర్‌లోనే సినిమా చూసి ఆ ఫీల్‌ను ఎంజాయ్ చేయండి. మరో మూడు నెలల్లో ఇంకో సినిమాతో మీ ముందుకు రాబోతున్నా. డిస్ట్రిబ్యూటర్స్ అందరికీ థాంక్స్ చెబుతున్నా. ఎర్ర చీర కన్నడ వెర్షన్ మార్చి 19న విడుదల చేయాలని ప్లాన్ చేస్తున్నా. ఇక నుంచి గ్యాప్ తీసుకోను. ప్రతి 6 నెలలకు ఒక సినిమాతో ప్రేక్షకుల ముందుకు వస్తా. కంటెంట్ ఉన్న సినిమా తీస్తే తప్పకుండా ఆదరిస్తారని నిరూపించి ఎర్రచీరను ఘన విజయం చేసిన ప్రేక్షక దేవుళ్లందరికీ కృతజ్జతలు. సినిమా క్లైమాక్స్ పరమశివుడిపై ఉంది కాబట్టి.. సెకెండ్ వీక్‌లో శివరాత్రి సందర్భంగా మరిన్ని థియేటర్లు పెంచుతాం. వంద థియేటర్లకు పైగా పెంచి శివరాత్రి సెలబ్రేషన్స్‌ను ఎర్రచీర సినిమా చూస్తూ ప్రేక్షకులు జరుపుకునేలా చేస్తాం. అందరూ తప్పకుండా థియేటర్లలో ఎర్రచీర సినిమా చూసి బిగ్ స్క్రీన్‌పై ఆ పరమశివుడి దర్శనం చేసుకుని ఆ దేవదేవుడి కృపకు పాత్రులు కావాలని కోరుతున్నా” అన్నారు.

ప్రెస్‌మీట్ అనంతరం హీరోయిన్ కారుణ్య చౌదరి పుట్టినరోజు సందర్భంగా మూవీ టీమ్ ఘనంగా ఆమె బర్త్ డేను సెలబ్రేట్ చేసింది. కేక్ కట్ చేసి పుట్టినరోజు వేడుకను నిర్వహించారు. కారుణ్య చౌదరికి సుమన్ బాబు కేక్ తినిపించి పుట్టినరోజు శుభాకాంక్షలు తెలియజేశారు. తన నెక్ట్స్ మూవీలో కూడా ఓ ఇంపార్టెంట్ క్యారెక్టర్‌కు కారుణ్యను అనుకుంటున్నట్లు చెప్పారు. స్క్రిప్ట్ ఫైనల్ అయ్యాక వివరాలను ప్రకటిస్తానని చెప్పారు. ప్రతి ఆర్టిస్ట్‌ను ఎంతో కేరింగ్‌గా చూసుకునే సుమన్ బాబు లాంటి డైరెక్టర్‌తో కలిసి పని చేయడం తన అదృష్టమని కారుణ్య ఈ సందర్భంగా వెల్లడించారు.