హైదరాబాద్, జూలై 15, 2024 – వీకెండ్ లో ఆహా ఓటీటీ ప్లాట్‌ఫారమ్‌లో ప్రసారమైన తాజా ఎపిసోడ్‌లో కంటెస్టెంట్ కుశాల్ శర్మ ఎలిమినేట్ కావడంతో తెలుగు ఇండియన్ ఐడల్ సీజన్ 3లో కాంపిటేషన్ రసవత్తరంగా మారింది. జూన్ 14, 2024న ప్రారంభమైన ఈ షో ఇప్పుడు కీలకమైన ఎలిమినేషన్ దశలోకి ప్రవేశించింది, ప్రేక్షకుల ఓటింగ్‌తో పాటు న్యాయమూర్తుల స్కోర్లు కంటెస్టెంట్స్ భవిష్యత్తును నిర్ణయిస్తాయి.
శ్రీరామ్ చంద్ర హోస్ట్ చేసిన మొదటి ఎలిమినేషన్ రౌండ్లో, ముగ్గురు కంటెస్టెంట్స్-స్కంద, భరత్ రాజ్ కుశాల్ శర్మ- జడ్జిల నుండి తక్కువ స్కోర్లు అందుకుని డేంజర్ జోన్‌లోకి ప్రవేశించారు. తోటి కంటెస్టెంట్స్ భరత్ రాజ్, స్కందతో కుశాల్ తలపడ్డాడు. స్కంద అత్యధిక ఓట్లను పొంది, మొదట సేఫ్ అయ్యారు. కుశాల్, భరత్ ఎలిమినేషన్ లోకి వచ్చారు. ఫైనల్ గా ప్రేక్షకుల నుండి తక్కువ ఓట్లు పొందిన కుశాల్ ఎలిమినేట్ అయ్యాడు.
సింగర్ కార్తీక్ నుంచి ప్రేరణ పొందిన కుశాల్, షోలో తన అనుభవాన్ని ‘జీవితంలో ఒక్కసారే వచ్చే అవకాశం’ అని చెప్పాడు. అతను ఈ వేదికని దేవాలయంగా, న్యాయనిర్ణేతలను తన మార్గదర్శక వ్యక్తులుగా పేర్కొన్నాడు. తనను ఎంతగానో ప్రోత్సహించిన థమన్, గీతా మాధురి, కార్తీక్ కు హృదయపూర్వక కృతజ్ఞతలు తెలిపాడు.
ఎలిమినేషన్ అయినప్పటికీ, కుశాల్ పాజిటివ్ గా ఉన్నాడు, అతను పోటీ నుండి చాలా నేర్చుకున్నానని, విలువైన అనుభవాలను పొందానని చెప్పాడు. థమన్, కుశాల్ ప్రతిభని గుర్తించాడు, అతన్ని జెన్యూన్ కంటెస్టెంట్ అని అభినందించారు. భవిష్యత్ లో విజయం సాధించాలని ఆకాంక్షించాడు.
కుశాల్‌కు వీడ్కోలు పలికినప్పుడు తోటి కంటెస్టెంట్స్ ఎమోషనల్ అయ్యారు. ఈ ఎలిమినేషన్‌తో, పోటీ తీవ్రమైంది, 11 మందికంటెస్టెంట్స్ ప్రతిష్టాత్మకమైన టైటిల్ కోసం పోటీ పడుతున్నారు. పెర్ఫార్మెన్స్ కొనసాగుతున్న కొద్దీ, పబ్లిక్ ఓటింగ్ , న్యాయనిర్ణేతల స్కోర్‌ల ఆధారంగా ప్రతి వారం ఒక కంటెస్టెంట్ ఎలిమినేట్ అవుతారు, చివరి వారాల్లో వైల్డ్ కార్డ్ ఎంట్రీలకు అవకాశం ఉంటుంది.
వీక్షకులు తెలుగు ఇండియన్ ఐడల్ విభాగానికి నావిగేట్ చేయడం ద్వారా లేదా ప్రతి కంటెస్టెంట్ కోసం నిర్దేశించిన నంబర్‌లకు మిస్డ్ కాల్స్ ఇవ్వడం ద్వారా లేదా ఆహా యాప్ ద్వారా తమ ఓట్లను వేయవచ్చు. ఓటింగ్ లైన్లు శుక్రవారం నుండి రాత్రి 7 గంటలకు తెరిచి ఉంటాయి. ఆదివారం ఉదయం 7 గంటల వరకు, అభిమానులు తమ వాయిస్ వినిపించేందుకు అనుమతిస్తారు.
ప్రతి శుక్రవారం, శనివారం రాత్రి 7 గంటలకు ప్రత్యేకంగా ఆహాలో ప్రసారమయ్యే తెలుగు ఇండియన్ ఐడల్ సీజన్ 3 అద్భుతమైన పెర్ఫార్మెన్స్, ఎమోషనల్ మూమెంట్స్ మిస్ కాకుండా చూడండి.
నవరాత్రి పర్వదినాన్ని పురస్కరించుకుని బిర్లా స్టూడియోస్, టెంపుల్ టౌన్ పిక్చర్స్ సంయుక్తంగా నిర్మిస్తున్న భక్తిరస చిత్రం ‘కనకదుర్గ’ నుంచి తొలి…
శ్రీ మహా సుబ్రహ్మణ్య వేదవేదాంగ విద్యాపీఠమ్ వద్ద నందమూరి బసవ రామ తారకం ఎన్టీఆర్ చారిటబుల్ ట్రస్ట్ నుండి వస్త్ర…
సూపర్ స్టార్ రజనీకాంత్, నెల్సన్ దిలీప్‌కుమార్ కలయికలో రూపొందిన 'జైలర్' చిత్రం 2023లో విడుదలై ఎంతటి సంచలనం సృష్టించిందో తెలిసిందే.…
సుగి విజయ్, జుప్సీ భద్ర (తొలి పరిచయం) హీరో హీరోయిన్లుగా నటిస్తున్న చిత్రం ‘ఐ హేట్ మ్యారేజ్ ’ ఆర్య…
ఇండియన్ సినిమాలో యాక్షన్ హీరో అంటే ఇకపై విజయ్ దేవరకొండ గురించే చెప్పుకుంటారని అన్నారు సెన్సేషనల్ డైరెక్టర్ సందీప్ రెడ్డి…
ఏడాది పాటు ఈ సేవా కార్యక్రమం కొనసాగిస్తానని వెల్లడించిన రశ్మిక, రశ్మికను చూసి గర్వపడుతున్నానని స్పందించిన విజయ్ దేవరకొండ సేవా…