ప్రముఖ నిర్మాణ సంస్థ యశ్ రాజ్ ఫిల్మ్స్ బ్యానర్లో ఆలియా భట్ నటిస్తోన్న యాక్షన్ ఎంటర్టైనర్ ‘ఆల్ఫా’. భారీ అంచనాలతో ప్రేక్షకులు ఎంతో ఆసక్తిగా ఎదురు చూస్తోన్న ఈ సినిమాను జూలై 10న ప్రపంచ వ్యాప్తంగా భారీ ఎత్తున విడుదల చేస్తున్నట్లు నిర్మాతలు ప్రకటించారు.
వైఆర్ఎఫ్ బ్యానర్, అలియా, శర్వరి ఈ కొత్త అప్డేట్ గురించి సోషల్ మీడియాలో పోస్ట్ చేశారు. అలాగే కొత్త పోస్టర్ను కూడా విడుదల చేశారు. ఆ పోస్టర్లో ఆలియా భట్ కొత్త యాక్షన్ లుక్ కనిపిస్తోంది. పోస్టర్లో ఆమె ముఖం మీద గాయాలు, గాట్లు కనిపిస్తున్నాయి. పోస్టర్ చూస్తుంటే ఇప్పుడే జరిగిన రక్తపాతంతో కూడిన యాక్షన్ జరిగినట్లు చూపించారు.”
‘ఆల్ఫా’సినిమాలో ఆలియా భట్తో పాటు హిందీ సినీ పరిశ్రమలో అప్కమింగ్ స్టార్ శర్వరి కూడా నటించిందది. అలాగే ఈ యాక్షన్ థ్రిల్లర్లో అనీల్ కపూర్, బాబీ డియోల్ కీలక పాత్రల్లో నటిస్తున్నారు. సినిమాలో అలియా, శర్వరి కలిసి బాబీ డియోల్ను ఢీ కొట్టేలా కఠినమైన పోరాటంలో తలపడనున్నట్టు తెలుస్తోంది
ఆల్ఫా చిత్రంతో ఆలియా భట్ తొలిసారి యశ్రాజ్ ఫిల్మ్స్తో కలిసి పని చేస్తున్నారు. అలాగే ఇండియన్ సినీ ఇండస్ట్రీలో తెరకెక్కుతోన్న ఫుల్ లేడీ ఓరియెంటెడ్ యాక్షన్ మూవీ ఇది. ఈ సినిమాలో అలియా భట్, శర్వరి కలిసి ప్రేక్షకులు ఇప్పటివరకు తెరపై ఒక హీరోయిన్ చేయని యాక్షన్ సీక్వెన్స్లో నటించారు.
యశ్ రాజ్ ఫిల్మ్స్ బ్యానర్పై గ్లోబల్ హిట్ సిరీస్ ది రైల్వే మెన్ను తెరకెక్కించిన శివ్ రవైల్ దర్శకత్వంలో ఆల్ఫా సినిమా రూపొందుతోంది. ఆదిత్య చోప్రా నిర్మాత.