వంశీ రామ్ పెండ్యాల, అజయ్, స్వాతి భీమిరెడ్డి, ఏపూరి హరి ప్రధాన పాత్రల్లో నటిస్తున్న సినిమా రేవు. ఈ చిత్రాన్ని సంహిత్ ఎంటర్ టైన్ మెంట్స్ బ్యానర్, పారుపల్లి ప్రొడక్షన్ పై నిర్మాతలు డా. మురళీ గింజుపల్లి, నవీన్ పారుపల్లి సంయుక్తంగా నిర్మిస్తున్నారు. నిర్మాణ పర్యవేక్షకుడిగా జర్నలిస్ట్ ప్రభు, ఎగ్జిక్యూటివ్ నిర్మాతగా ఫిలిం జర్నలిస్ట్ పర్వతనేని రాంబాబు వ్యవహరిస్తున్నారు.. హరినాథ్ పులి ఈ చిత్రానికి దర్శకత్వం వహించారు. అన్ని కార్యక్రమాలు పూర్తి చేసుకున్న రేవు సినిమా ఆగస్టు 9 న గ్రాండ్ థియేట్రికల్ రిలీజ్ కు రెడీ అ‌వుతోంది.
డైనమిక్ డైరెక్టర్ సంపత్ నంది, మిల్కి బ్యూటీ తమన్నా, హీరో వసిష్ఠ సింహ, మధు క్రియేషన్స్ అధినేత మధు.డి, డైరెక్టర్ అశోక్ తేజ, సినిమాటోగ్రాఫర్ సౌందర్ రాజన్ ల సమక్షంలో ఓదెల 2 సెట్స్ లో ఆగష్టు 9 న విడుదలవుతున్న రేవు రిలీజ్ డేట్ పోస్టర్ ను ఆవిష్కరించారు.
ఈ సందర్భంగా తమన్నా మాట్లాడుతూ.. రేవు సినిమా రిలీజ్ డేట్ పోస్టర్ ని లాంచ్ చేసినందుకు సంతోషంగా ఉంది, రేవు రిలీజ్ డేట్ పోస్టర్ చాలా డిఫరెంట్ గా ఉంది, ఈ సినిమా సక్సెస్ సాధించి నిర్మాతలు డా. మురళీ గింజుపల్లి, నవీన్ పారుపల్లి లకు మంచి లాభాలు తెచ్చిపెట్టాలని, సీనియర్ జర్నలిస్ట్ ప్రభు, పర్వతనేని రాంబాబు కు ఆల్ ద బెస్ట్ చెప్పారు.
డైరెక్టర్ సంపత్ నంది మట్లాడుతూ.. నా మిత్రులైన డా. మురళీ గింజుపల్లి, నవీన్ పారుపల్లి లకు నా సహకారం ఎప్పుడు ఉంటుంది. రేవు రిలీజ్ డేట్ పోస్టర్ రిలీజ్ చెయ్యాలని అడిగినప్పుడు ఓదెల 2 కి సంబందించిన పెద్దపల్లి జిల్లా, ఓదెల గ్రామం మల్లిఖార్జున దేవాలయం షూటింగ్ సెట్ కి వారిని ఆహ్వానించి తమన్నా తో ఆగష్టు 9 న రిలీజ్ అవుతున్న రేవు పోస్టర్ లాంచ్ చేయించడం హ్యాపీగా ఉంది. ఈ సినిమా విజయం సాధించాలని టీమ్ అందరికి ఆల్ ద బెస్ట్ చెప్పారు.
ఈ కార్యక్రమంలో రేవు హీరో వంశీ, హేమంత్, ప్రముఖ పారిశ్రామిక వేత్త పారుపల్లి అనీల్, BDL నగేష్ పాల్గొన్నారు.
రేవు చిత్రం ఆర్టిస్టులు: వంశీ రామ్ పెండ్యాల, అజయ్, స్వాతి భీమిరెడ్డి, ఏపూరి హరి, గురు తేజ్, సుమేష్ మాధవన్, హేమంత్ ఉద్భవ్, లీలా వెంకటేష్ కొమ్మూరి, తదితరులు.
సాంకేతిక నిపుణులు: డి ఓ పి – రేవంత్ సాగర్ నేపథ్య సంగీతం- వైశాఖ్ మురళీధరన్ పాట- జాన్ కె జోసెఫ్ ఎడిటర్ – శివ శర్వాని కళ- బాషా సాహిత్యం – ఇమ్రాన్ శాస్త్రి, నిర్మాణ పర్యవేక్షణ జర్నలిస్ట్ ప్రభు, ఎగ్జిక్యూటివ్ నిర్మాత పర్వతనేని రాంబాబు, నిర్మాతలు డా॥ మురళీ గింజుపల్లి, నవీన్ పారుపల్లి రచయిత దర్శకుడు – హరినాథ్ పులి.