యూత్ కే కాదు పెద్దలకు కూడా బాగా కనెక్ట్ అయ్యే సినిమా మేమ్ ఫేమస్ : నిర్మాతలు అనురాగ్ రెడ్డి, శరత్, చంద్రు మనోహరన్
రైటర్ పద్మభూషణ్ బ్లాక్ బస్టర్ విజయం తర్వాత లహరి ఫిల్మ్స్ మరియు చాయ్ బిస్కెట్ ఫిల్మ్స్ కలిసి మరో ఆసక్తికరమైన ప్రాజెక్ట్ మేమ్ ఫేమస్!
దీనికి దర్శకత్వం వహించడంతో పాటు సుమంత్ ప్రభాస్ ప్రధాన పాత్ర పోషించారు. మణి ఏగుర్ల, మౌర్య చౌదరి, సార్య, సిరి రాసి ఇతర ప్రముఖ తారాగణం .సుమంత్ ప్రభాస్ స్వయంగా రచన మరియు దర్శకత్వం వహించారు. అనురాగ్ రెడ్డి, శరత్, చంద్రు మనోహరన్ కలిసి ఈ చిత్రాన్ని నిర్మించారు. ఈ సినిమా ఈనెల 26 న విడుదల కాబోతుంది.
ఈ సందర్భంగా అనురాగ్ రెడ్డి, శరత్, చంద్రు మనోహరన్ ఇంటర్వ్యూ లో పలు విషయాలు చెప్పారు.
– తెలుగు రాష్ట్రాల్లో గీతా ఆర్ట్స్, ఓవర్సీస్ లో సరిగమ సినిమాస్ విడుదల చేస్తున్నాయి. వైజాగ్ లో అన్నపూర్ణ స్టూడియోస్ డిస్ట్రిబ్యూటర్ గా వ్యవహరిస్తోంది. “గీతా ఆర్ట్స్తో పాటు మరికొందరు డిస్ట్రిబ్యూటర్ లకు మేము ఇటీవల ఈ చిత్రాన్ని ప్రదర్శించాము. వారు కంటెంట్ తో పూర్తిగా సంతోషంగా కాంప్లిమెంట్ చేశారు. సెన్సార్ వారు అభినందనలు తెలిపారు.
– మేము (చాయ్ బిస్కెట్ ఫిల్మ్స్ మరియు లహరి ఫిల్మ్స్) మూడు ప్రాజెక్ట్ లలో సినిమాలు చేయాలనీ నిర్ణయించుకున్నాము. ‘రైటర్ పద్మభూషణ్’ మా మొదటి జర్నీ.. ‘మేమ్ ఫేమస్’ మా ఇద్దరి కాంబినేషన్ లో వచ్చిన రెండో సినిమా. కోవిద్ మహమ్మారి సమయంలో మేము కలిసి టీం గా ఉన్నాము. మామధ్య ఎటువంటి తేడాలు లేవు. మేము పరస్పరం ఒకరినొకరు విశ్వసిస్తున్నాము. అదే మమ్మల్ని ముందుకు నడిపిస్తుంది. మా నుంచి మూడో ప్రాజెక్ట్ ఈ ఏడాది విడుదలకు సిద్ధమవుతోంది.
– A+S మూవీస్లో, చాయ్ బిస్కెట్ కలిపి ఇప్పటికే అడివి శేష్ తో ‘మేజర్’ని నిర్మించాము.. ఆ బ్యానర్ పై భారీ ఎత్తున సినిమాలు రాబోతున్నాయి. ఒకట్రెండు నెలల్లో, A+S మూవీస్ ఆధ్వర్యంలో ఒక పెద్ద స్టార్ సినిమాని ప్రకటిస్తాం.
– చాయ్ బిస్కెట్ ఫిలింస్ పై ఎక్కువగా కొత్తవారితో సినిమాలు నిర్మిస్తాం. యూత్, ఫ్యామిలీలు చూసేలా సినిమాలు తీసుకురావడమే మా లక్ష్యం. ఆ విధంగా, సమర్థులైన కొత్తవారు మా బ్యానర్ ను తమను తాము ప్రారంభించుకోవడానికి తగిన వేదికగా మా బ్యానర్ ఉంటుంది. కొత్త వారితోనే కొత్త ప్రయత్నాలు చేయాలని మేము నమ్ముతున్నాము. ఎందుకంటే మేము మొదట్లో అలానే వచ్చాము. కొత్తవారితో పని చేసినప్పుడు, వైబ్ పూర్తిగా కొత్తగా ఉంటుంది.
– యూట్యూబ్ లో సుమంత్ ప్రభాస్ షార్ట్ ఫిలిమ్స్ చూసిన తర్వాత అతనిని ఎంపిక చేశాము. అతనిలో స్పార్క్ కనిపించింది. తాను రాసిన కథ ఫీచర్ ఫిల్మ్ చేయాలనుకుంటున్నానని చెప్పాడు. ఈ చిత్రానికి ఆయన దర్శకత్వం వహించాల్సింది వచ్చింది. మొదట్లో సుమంత్ పై విముఖంగా ఉన్నా, కథ చెప్పిన విధానం తీరు అతనిపై నమ్మకం పెరిగి మేము ముందుకు వెళ్లాం.
-‘మేమ్ ఫేమస్’ చాలావరకు కొత్త ప్రతిభావంతులతో తీసాము. మొత్తంగా చూస్తే దాదాపు 45-50 మంది ఆర్టిస్టులు, టెక్నీషియన్లను పరిచయం చేసాము. ఇది సరైన యూత్ఫుల్ ఎంటర్టైనర్ అని చెప్పగలం. ఎందుకంటే . 23 ఏళ్ల యువకుడు 23 ఏళ్ల యువకుడిలా నటిస్తున్నాడు. అందుకే నటీనటుల ఎంపిక ప్రక్రియకు సమయం పట్టింది.
– కథ కంటే చెప్పే విధానం ముఖ్యం. స్క్రీన్ ప్లే బలంగా ఉంటుంది. కథగా చెప్పాలంటే పెళ్లి చూపులు, జాతి రత్నాలు కలిస్తే ‘మేమ్ ఫేమస్’ అవుతుంది. యూత్ కోసం సినిమా తీసిన ఫ్యామిలీలు చూసేలా ‘మేమ్ ఫేమస్’ ఉంటుంది. రచయిత-దర్శకుడు సుమంత్ ప్రభాస్ ఎలాంటి అనుభవం లేకుండా వచ్చినా చాలా క్లారిటీ తో తీశాడు.
– ఇది ముగ్గురు యువకుల కథ వారి ప్రయాణం ఎలా ఉంటుందో ఈ సినిమా తెలుపుతుంది. ‘పెళ్లి చూపులు, ‘జాతి రత్నాలు’ కలగలిసినదిగా ‘మేమ్ ఫేమస్’ అని చెప్పినా ఆ రెండు సినిమాలకు ఈ కథకు సంబంధం లేదు.
– ఈ సినిమా చూసినప్పుడు యువకులు చాలా వాటికి రిలేట్ అవుతారు. పెద్దలు సినిమా చూస్తే తమ పిల్లలు ఎలా ఆలోచిస్తారు, ఎందుకు ఆలోచిస్తున్నారు అనే విషయాలపై వారికి అవగాహన వస్తుంది.
– కళ్యాణ్ నాయక్ సంగీతం, BGM అద్భుతంగా ఉన్నాయి. ఏఆర్ రెహమాన్ ‘రోజా’ సినిమాతో లహరి మ్యూజిక్ లోకి అడుగుపెట్టింది. అలాంటిది ఈరోజు లహరి ఫిలిమ్స్ సంస్థ ‘మేమ్ ఫేమస్’ చిత్రాన్ని నిర్మించింది.
– ‘మేమ్ ఫేమస్’ ప్రమోషన్స్ ప్రత్యేకంగా ఉన్నాయి. విజయ్ దేవరకొండ, నాగ చైతన్య, అడివి శేష్, హరీష్ శంకర్ ఉన్న ఆ వీడియోలు చాలా మంది ప్రేక్షకులకు చేరువయ్యాయి. ఈ సినిమా ట్రెండ్ గా నిలుస్తుంది అనే నమ్మకం ఉంది.
ఖాట్మండు, 31 ఆగస్టు 2026: నేపాల్-టిబెట్ సరిహద్దులో సంభవించిన తీవ్రమైన ఆకస్మిక వరదల తర్వాత మొదటిసారిగా బహిరంగంగా స్పందించిన సద్గురు, ఈ సున్నితమైన ప్రాంతంలో సంభవించే విపత్తులను ఎదుర్కొనేందుకు హిమాలయ దేశాల మధ్య మరింత సహకారం అవసరమని పిలుపునిచ్చారు. ఆదివారం ఖాట్మండులో జరిగిన “ఇన్ సాలిడారిటీ విత్ నేపాల్” కార్యక్రమంలో ప్రసంగిస్తూ ఆయన ఈ ప్రతిపాదన చేశారు. అలాగే నేపాల్ ప్రధానమంత్రి విపత్తు సహాయ నిధికి ₹1 కోటి విరాళాన్ని ప్రకటించారు.నేపాల్ ఆకస్మిక వరదల విషాదంలో వేలాది మంది గల్లంతయ్యారు, పలువురు మరణించి ఉంటారని భావిస్తున్నారు. విపత్తు సంభవించిన సమయంలో సరిహద్దులోని చైనా వైపు ఉన్న గైరాంగ్ (Gyirong) ఇమ్మిగ్రేషన్ కేంద్రం వద్ద ఉన్న ఈశా సేక్రెడ్ వాక్స్ కైలాష్ యాత్రకు చెందిన 77 మంది యాత్రికులు, నేపాల్ వైపు ఉన్న ముగ్గురు ఈశా వాలంటీర్ల ఆచూకీ ఇంకా తెలియరాలేదు.భారత్, చైనా, పాకిస్తాన్, నేపాల్ మరియు భూటాన్ దేశాలతో కూడిన ఐదు దేశాల హిమాలయ బోర్డును ఏర్పాటు చేయాలని సద్గురు ప్రతిపాదించారు. అందరికీ ఉమ్మడిగా ఉన్న ఈ పర్వత వ్యవస్థ విషయంలో రాజకీయ సరిహద్దులకు అతీతంగా ఆలోచించాలని ఆయా దేశాలకు పిలుపునిచ్చారు.“పర్వతాలకు మీ రాజకీయ అనుబంధాలు తెలియవు. మీరు మాట్లాడే భాష లేదా ఇతర విషయాలతో వాటికి సంబంధం లేదు. వీటిని ఒకే పరిపాలనా విభాగంగా నడపలేకపోయినా, కనీసం సంప్రదింపులైనా ఒకే వేదికగా జరగాలి. మనం చేసే పనులలో సమన్వయం ఉండాలి, ఎందుకంటే హిమాలయాలు భూమిపై అత్యంత అద్భుతమైన, మహోన్నతమైన ప్రకృతి సంపద. అదే సమయంలో, అవి ఎంతో సున్నితమైనవి కూడా,” అని సద్గురు స్పష్టం చేశారు.అటువంటి వ్యవస్థను అత్యవసరంగా ఏర్పాటు చేయాల్సిన అవసరాన్ని నొక్కి చెబుతూ, ఆయన ఇలా అన్నారు: “హిమాలయ పర్వత శ్రేణులు విస్తరించి ఉన్న ఈ దేశాలన్నింటితో కూడిన ఒక వేదిక తక్షణమే ఏర్పడాలి. రాజకీయ పాలనలు వేర్వేరుగా ఉన్నప్పటికీ, భవిష్యత్ తరాల కోసం కాపాడాల్సిన ఒక ప్రకృతి వనరుగా ఈ పర్వత శ్రేణులను చూడాలి. అలా కాకుండా, 'ఇది నేపాల్ సమస్య, వాళ్లే చూసుకుంటారులే' అని అనుకుంటూ పోతే, దీనికి ఎప్పటికీ పరిష్కారం దొరకదు.”ఈ విపత్తు తీవ్రత ఎవరూ ఊహించని రీతిలో ఉందని, ఇలాంటి సంక్షోభాన్ని నేపాల్ ఒక్కటే పరిష్కరించలేదని, అందరూ కలిసికట్టుగా స్పందించాల్సిన అవసరం ఉందని ఆయన పేర్కొన్నారు.“ఒక భారీ హిమానీనదం (గ్లేసియర్)లో ముప్పాతిక వంతు మంచు శిఖరం నుండి నాలుగు వేల అడుగుల కిందకు పడిపోతుందని ఎవరూ ఊహించలేదు. ఎవరూ ఇలాంటిది లెక్కించలేరు. కానీ ఇప్పుడు ఇది జరిగింది కాబట్టి, మనం దీనిపై దృష్టి పెట్టాలి, ఎందుకంటే ఇది నేపాల్ లాంటి చిన్న దేశం ఒక్కటే పరిష్కరించగలిగే సమస్య కాదు” అని సద్గురు అన్నారు.ఈ విపత్తుకు "దైవిక కారణాలు" లేదా "మార్మిక కోణాలు" ఆపాదించవద్దని ఆయన ప్రజలను కోరారు. ఇటువంటి వివరణలు మనుష్యుల బాధ తీవ్రతను తగ్గిస్తాయని ఆయన చెప్పారు. జీవితంలోని ఆధ్యాత్మిక అంశాలకు, భౌతిక నియమాల ప్రకారం జరిగే ప్రకృతి పరిణామాలకు మధ్య తేడాను గుర్తించాల్సిన అవసరాన్ని ఆయన నొక్కిచెప్పారు.“మనం ఇలాంటి వాటిపై సమయం వృధా చేయకూడదు. దైవత్వం అనేది వేరే కోణం. భౌతిక పరిణామాలు భౌతిక నియమాలకు లోబడి జరిగే ప్రకృతి ప్రక్రియలు. కాబట్టి తాత్విక వివరణలు, సిద్ధాంతాలు లేదా ఆధ్యాత్మిక కారణాలు చెబుతూ మనుషుల బాధలను చిన్నచూపు చూడకండి. 'ఇదంతా దేవుడి లీల' అనుకోకండి. ఇది పూర్తిగా ఒక భౌతిక సంఘటన మాత్రమే.”ప్రాణాలు కోల్పోయిన వారికి శాంతి చేకూరాలని, సహజ లేదా అసహజ మరణాలు పొందిన వారికి ఆహ్లాదకరమైన ఉత్తమ గతులను కల్పించేందుకు నిర్వహించే ప్రత్యేక ప్రక్రియ అయిన ‘కాలభైరవ కర్మ’ను సెప్టెంబర్ 3న కోయంబత్తూరులోని ఈశా యోగ కేంద్రంలో నిర్వహించనున్నట్లు సద్గురు ప్రకటించారు. పూర్తి కార్యక్రమాన్ని ఇక్కడ చూడవచ్చు: Join Sadhguru "In Solidarity with Nepal
భారతదేశంలోనే అతిపెద్ద స్ట్రీమింగ్ సర్వీస్ అయిన ప్రైమ్ వీడియో నుంచి రానున్న నూతన తెలుగు ప్రైమ్ ఒరిజినల్ సిరీస్ 'జగమే…
→ ఈ రూ.50లో GST కూడా కలిపి ఉంటుంది.మల్టీప్లెక్స్లు / స్పెషల్ థియేటర్లు: టికెట్పై రూ.100 అదనంగా వసూలు చేయవచ్చు.→…
వెర్సటైల్ స్టోరీస్, ఇన్నోవేటివ్ కాన్సెప్ట్స్ ను తెలుగు ప్రేక్షకులకు అందిస్తూ యంగ్ టాలెంట్ ను ఎంకరేజ్ చేయాలనే లక్ష్యంతో హీరో…
‘ఇరుముడి’కి ఆడియన్స్ నుంచి వస్తున్న రెస్పాన్స్ చూస్తుంటే ఆనందంతో కళ్లు చెమర్చాయి. ఇంత పెద్ద సక్సెస్ అందించిన ప్రేక్షకులకు థాంక్యూ:…
ఫ్యామిలీ, సోషల్, యాక్షన్, రొమాన్స్, మైథలాజికల్ టచ్ ఇస్తూ అనుముల ప్రొడక్షన్స్ బ్యానర్ మీద అనుముల లక్ష్మణరావు, పల్లకొండ శ్రీరాములు…