ఆగ‌స్ట్ 15న విడుద‌లైన చిత్రం ‘ఆయ్’ సినిమా అన్ని వ‌ర్గాల ప్రేక్ష‌కుల ప్ర‌శంస‌ల‌ను అందుకుని ఘ‌న విజయాన్ని సాధించింది. ఈ సినిమాలో నార్నే నితిన్‌కు జంట‌గా న‌టించింది నయన్ సారిక. ఆయ్ స‌క్సెస్‌ను ఆమె ఎంజాయ్ చేస్తోంది. ఆ సినిమాలో ఆమె పోషించి ప‌ల్ల‌వి పాత్ర ఆడియెన్స్‌కు బాగా క‌నెక్ట్ అయ్యింద‌ని సంతోష‌ప‌డుతుంది నయన్ సారిక. ఈ సంద‌ర్భంగా త‌న‌పై ఇంత ప్రేమాభిమానాలు చూపించి తెలుగు ప్రేక్ష‌కుల‌కు ఆమె ప్ర‌త్యేక‌మైన ధ‌న్య‌వాదాల‌ను తెలియ‌జేసింది. ‘‘తెలుగు ప్రేక్ష‌కులు మా సినిమాను ఇంత గొప్ప‌గా ఆద‌రించినందుకు ధ‌న్య‌వాదాల‌ను తెలియ‌జేసుకుంటున్నాను. టాలీవుడ్‌లో ఒక మంచి విజ‌యంతో నా ప్ర‌యాణం ప్రారంభం కావ‌టం నాకెంతో సంతోషానిస్తుంది. ఓ సినిమా స‌క్సెస్ అనేది ఎంటైర్ టీమ్‌కు సంబంధించింది. అయితే ‘ఆయ్’ స‌క్సెస్ వ్య‌క్తిగ‌తంగా ఎంతో సంతోషాన్నిస్తోంది. ఇంత మంచి సినిమాలో న‌న్ను భాగం చేసిన గీతాఆర్ట్స్ సంస్థ‌కు, ద‌ర్శ‌కుడు అంజి కె.మ‌ణిపుత్ర‌కు ప్ర‌త్యేకంగా కృత‌జ్ఞ‌తలు తెలియ‌జేసుకుంటున్నాను’’ అని పేర్కొన్నారు నయన్ సారిక.
స్కూల్, కాలేజీల్లో డ్రామాల్లో న‌టించి న‌ట‌న‌పై మ‌క్కువ పెంచుకున్న న‌య‌న్‌కు ముందు నుంచి హీరోయిన్ కావాల‌నేది కోరిక. ‘ఆయ్’ సినిమాలో న‌టించాల‌ని ఆమెను మేక‌ర్స్ క‌లిసిన‌ప్పుడు నటిగా త‌న క‌ల నేర‌వేరుతుంద‌నే దానిపై చాలా సంతోష‌ప‌డింది. ‘‘ఆయ్’ సినిమా షూటింగ్ ప్రారంభం కావ‌టానికి ముందు నేను, నార్నే నితిన్ క‌లిసి రిహార్సల్స్, వ‌ర్క్ షాప్స్‌లో పాల్గొన్నాం. తెలుగు కోసం ప్ర‌త్యేక‌మైన శిక్ష‌ణ‌ను ఇచ్చాం. నా టీమ్ స‌భ్యులు కూడా నాకెంతో స‌పోర్ట్ చేశారు’’ అని తెలియ‌జేసింది నయన్ సారిక.
డిగ్రీ చదువుతుండగానే నటిగా నయన్ సారికకు అవకాశం వచ్చింది. సిల్వర్ స్క్రీన్‌పై హీరోయిన్‌గా మెప్పించాల‌నుకున్న క‌ల నేర‌వేరుతున్న‌ప్ప‌టికీ చ‌దువుని ఆశ్ర‌ద్ధ చేయ‌కూడ‌ద‌ని ఆమె నిర్ణ‌యించుకుంది. న‌టిస్తూనే డిగ్రీని పూర్తి చేయాల‌నుకుంది. ‘ఆయ్’ సినిమా షూటింగ్‌లో పాల్గొంటూనే ఫైన‌లియ‌ర్ డిగ్రీ ఎగ్జామ్స్‌కు ప్రిపేర్ అయ్యింది నయన్ సారిక. ‘‘షూటింగ్‌కి నేను బుక్స్‌, స్ట‌డీ మెటీరియ‌ల్ తీసుకెళ్లేదాన్ని. డిగ్రీ ఫైన‌లియ‌ర్ ఎగ్జామ్స్ పూర్తి చేయ‌టానికి నేను క్యారీవ్యాన్‌లో షూటింగ్ గ్యాప్‌లో చ‌దువుకుంటుండేదాన్ని. ఓ వైపు షూటింగ్, మ‌రో వైపు ప‌రీక్ష‌ల కోసం ప్రిపేర్ కావ‌టం అనేది చాలా ఛాలెంజింగ్‌గా అనిపించింది’’ అని షూటింగ్ రోజుల‌ను గుర్తుకు చేసుకుంది నయన్.
‘ఆయ్’ సినిమా బ్లాక్ బస్టర్ విజయాన్ని సాధించిన త‌ర్వాత చిత్ర యూనిట్ స‌భ్యులు ప్ర‌త్యేకంగా అల్లు అర్జున్‌, ఎన్టీఆర్‌ల‌ను క‌లుసుకున్నారు. సినిమా స‌క్సెస్‌పై ఇద్ద‌రూ స్టార్స్ టీమ్ స‌భ్యుల‌ను అభినందించారు. అలాగే నయన్ సారిక న‌ట‌న‌ను ప్ర‌శంసించారు. ‘‘సినిమాలో చాలా ఈజ్‌తో నా క్యారెక్ట‌ర్‌లో న‌టించాన‌ని ఎన్టీఆర్‌గారు అభినందించారు. అల్లు అర్జున్‌గారైతే న‌న్ను ద‌క్షిణాది అమ్మాయి అనే అనుకున్నారు. కాద‌ని తెలిసి అంత చ‌క్క‌గా పాత్ర‌లో ఒదిగిపోయినందుకు ఆశ్చ‌ర్య‌పోయారు. క‌ళ్ల‌తో చ‌క్క‌గా హావ‌భావాల‌ను ప‌లికిస్తాన‌ని అల్లు అర‌వింద్‌గారు ప్ర‌శంసించారు. అంత పెద్ద స్టార్స్ నుంచి ప్ర‌శంస‌లు రావ‌టం నాకెంతో గొప్ప‌గా అనిపించింది’’ అని సంతోషాన్ని వ్యక్తం చేసింది నయన్ సారిక.
నవరాత్రి పర్వదినాన్ని పురస్కరించుకుని బిర్లా స్టూడియోస్, టెంపుల్ టౌన్ పిక్చర్స్ సంయుక్తంగా నిర్మిస్తున్న భక్తిరస చిత్రం ‘కనకదుర్గ’ నుంచి తొలి…
శ్రీ మహా సుబ్రహ్మణ్య వేదవేదాంగ విద్యాపీఠమ్ వద్ద నందమూరి బసవ రామ తారకం ఎన్టీఆర్ చారిటబుల్ ట్రస్ట్ నుండి వస్త్ర…
సూపర్ స్టార్ రజనీకాంత్, నెల్సన్ దిలీప్‌కుమార్ కలయికలో రూపొందిన 'జైలర్' చిత్రం 2023లో విడుదలై ఎంతటి సంచలనం సృష్టించిందో తెలిసిందే.…
సుగి విజయ్, జుప్సీ భద్ర (తొలి పరిచయం) హీరో హీరోయిన్లుగా నటిస్తున్న చిత్రం ‘ఐ హేట్ మ్యారేజ్ ’ ఆర్య…
ఇండియన్ సినిమాలో యాక్షన్ హీరో అంటే ఇకపై విజయ్ దేవరకొండ గురించే చెప్పుకుంటారని అన్నారు సెన్సేషనల్ డైరెక్టర్ సందీప్ రెడ్డి…
ఏడాది పాటు ఈ సేవా కార్యక్రమం కొనసాగిస్తానని వెల్లడించిన రశ్మిక, రశ్మికను చూసి గర్వపడుతున్నానని స్పందించిన విజయ్ దేవరకొండ సేవా…