టఫ్ బాక్సాఫీస్ కాంపిటేషన్ లో సైతం డీసెంట్ కలెక్షన్స్ రాబట్టుకుంటున్న విజయ్ దేవరకొండ “కింగ్డమ్”

విజయ్ దేవరకొండ హీరోగా నటించిన లేటెస్ట్ మూవీ కింగ్డమ్ సినిమా వసూళ్లపై ఇతర మూవీస్ ఎఫెక్ట్ పడుతోంది. కింగ్డమ్ ముందు పవర్ స్టార్ పవన్ కల్యాణ్ హరి హర వీరమల్లు రిలీజ్ అయి స్ట్రాంగ్ ఓపెనింగ్స్ రాబట్టగా, ఆ తర్వాత వచ్చిన మహావతార్ నరసింహా కూడా మంచి కలెక్షన్స్ సాధిస్తోంది. తీవ్రమైన పోటీ మధ్య రిలీజైన కింగ్డమ్ సినిమా విజయ్ స్టార్ పవర్ తో గురువారం, శుక్రవారం మంచి వసూళ్లు సాధించింది. యూఎస్ లో బిగ్గెస్ట్ ఓపెనర్ గా నిలిచింది. ఫస్ట్ డే ఈ సినిమాకు 39 కోట్ల రూపాయల గ్రాస్ కలెక్షన్స్ దక్కడం విశేషం. హరి హర వీరమల్లు, వార్ 2, కూలీ మూవీస్ నుంచి కింగ్డమ్ కు పోటీని కింగ్డమ్ మేకర్స్ ఊహించారు గానీ అనూహ్యంగా మహావతార్ నరసింహా మూవీ సూపర్ హిట్ కావడం 20 కోట్ల రూపాయలకు పైగాషేర్ కలెక్ట్ చేయడం ఊహించలేదు. కింగ్డమ్ కలెక్షన్స్ ను మహావతార్ నరసింహా డివైడ్ చేస్తోంది. గతంలో నాగవంశీ ప్రొడ్యూస్ చేసిన డాకూ మహారాజ్, గుంటూరు కారం, ఇప్పుడు కింగ్డమ్ మూవీస్ తీవ్రమైన బాక్సాఫీస్ పోటీలోనూ డీసెంట్ కలెక్షన్స్ రాబట్టాయి. కింగ్డమ్ స్టైలిష్ హిట్ గా నిలిచి ఇంత కాంపిటేషన్ లోనూ అతి తక్కువ టైమ్ లో మేజర్ ఏరియాల్లో బ్రేక్ ఈవెన్ సాధించడం విశేషం. ముఖ్యం గా విజయ్ దేవరకొండ కు ఉన్న క్రేజ్ కారణంగా తమిళ్, మలయాళం లో ఇప్పటికే ఈ సినిమా ప్రాఫిట్స్ లో కి రావడం విశేషం