“ ఎ బ్యూటిఫుల్ బ్రేకప్” ఈ నెల 13న ప్రపంచవ్యాప్తంగా విడుదల* ఇళయరాజా సంగీతం హైలెట్ గా, తెలుగు వారు నిర్మించిన చిత్రం

తక్ష్, మటిల్డా హీరో–హీరోయిన్లుగా నటించిన ఇంగ్లీష్ ఫీచర్ ఫిల్మ్ “ఎ బ్యూటిఫుల్ బ్రేకప్” ఒక ట్రెండ్ సెట్టింగ్ రొమాంటిక్ హారర్ థ్రిల్లర్. ఈ చిత్రాన్ని ప్రతిభావంతుడైన దర్శకుడు అజిత్ వాసన్ ఉగ్గిన రచన, దర్శకత్వంలో తెరకెక్కించారు.
ఈ చిత్రాన్ని 5 నేచర్స్ మూవీస్ ఇంటర్నేషనల్ సంస్థ నిర్మించగా, ముద్రగడ రంగారావు, ఉగ్గిన సత్యనారాయణరావు సమర్పిస్తున్నారు.

పూర్తిగా ఇంగ్లీష్‌లో, గ్లోబల్ ఆడియెన్స్‌ను లక్ష్యంగా రూపొందించిన “ఎ బ్యూటిఫుల్ బ్రేకప్” ఈ నెల 13న ప్రపంచవ్యాప్తంగా గ్రాండ్ థియేట్రికల్ రిలీజ్ కు సిద్ధమవుతోంది. దీనికి ముందుగా 12న దుబాయ్‌లో ఎక్స్‌క్లూజివ్ ప్రీమియర్ నిర్వహించనున్నారు. ఇంగ్లీష్ విడుదల అనంతరం ఈ చిత్రాన్ని హిందీ, తెలుగు, తమిళ, కన్నడ, మలయాళం భాషల్లో డబ్ చేసి విడుదల చేయాలని ప్లాన్ చేస్తున్నారు.

ఈ సందర్భంగా చిత్ర దర్శకుడు అజిత్ వాసన్ ఉగ్గిన మాట్లాడుతూ:
“ప్రపంచవ్యాప్తంగా ప్రేక్షకులను చేరుకోవాలనే ఉద్దేశంతో ‘ఎ బ్యూటిఫుల్ బ్రేకప్’ చిత్రాన్ని పూర్తిగా ఇంగ్లీష్‌లో రూపొందించాం. మా సినిమాకు ప్రధాన బలంగా నిలిచింది సంగీతం. లెజెండరీ సంగీత దర్శకుడు మాస్ట్రో ఇళయరాజా గారు మా చిత్రానికి సంగీతం అందించడం మా అదృష్టం.

సినిమాను చూసిన తర్వాత ఆయన స్వయంగా ముందుకొచ్చి ఈ ప్రాజెక్ట్‌లో భాగమయ్యారు. తన సంగీతంతో సినిమాను మరో స్థాయికి తీసుకెళ్లారు. ఆయన అందించిన ఆర్కెస్ట్రల్ స్కోర్ సినిమాకు ఆత్మను, భావోద్వేగాలను, టైమ్‌లెస్ సినీమాటిక్ గ్రాండ్యూర్‌ను అందించింది.
ఈ సినిమా హృదయంలో ఉన్న ఆలోచన చాలా మానవీయమైనది. ఓ జంట విడిపోవాలంటే తప్పనిసరిగా ద్వేషంతోనే విడిపోవాల్సిన అవసరం లేదు. సంతోషంగానూ విడిపోవచ్చు. జీవితంలో ఎక్కడో ఒకచోట మళ్లీ కలిసే అవకాశం ఉంటుంది. నా దృష్టిలో శాశ్వతమైన విడిపోవడం మరణంతోనే జరుగుతుంది. ఈ భావనతోనే మేము ఒక సరికొత్త, భావోద్వేగాలతో నిండిన హారర్ థ్రిల్లర్‌ను రూపొందించాం.”

హీరో తక్ష్ మాట్లాడుతూ:
“ఎ బ్యూటిఫుల్ బ్రేకప్ సినిమా షూటింగ్‌లో ప్రధాన భాగం భారతదేశంలో, కర్ణాటకలోని చిక్కమగళూరు అరణ్య ప్రాంతంలో, ఓ అద్భుతమైన, ప్రశాంతమైన ఎస్టేట్‌లో జరిగింది. మబ్బులతో నిండిన ఆ సహజ వాతావరణం సినిమాకు ఒక భయానకమైనా అందమైన అనుభూతిని ఇచ్చింది.
ఈ సినిమాలో సినిమాటోగ్రఫీ పెద్ద హైలైట్. మా డైరెక్టర్ ఆఫ్ ఫోటోగ్రఫీ గుణశేఖరన్ విజువల్స్‌ను అంత అందంగా తీర్చిదిద్దారు సినిమా చూసిన పాశ్చాత్య ప్రేక్షకులు కూడా ‘వావ్’ అని స్పందించారు.
ఈ కథలో సంగీతం కీలక పాత్ర పోషిస్తుంది. మాస్ట్రో ఇళయరాజా గారు ఈ చిత్రానికి పూర్తి సింఫనీ ఆర్కెస్ట్రాతో, అంతర్జాతీయంగా ప్రసిద్ధి చెందిన బో టై ఆర్కెస్ట్రాతో స్కోర్‌ను కంపోజ్ చేశారు. ఈ ఆర్కెస్ట్రల్ సంగీతం సినిమా యొక్క రొమాంటిక్ మరియు సూపర్‌నేచురల్ లేయర్లను అద్భుతంగా ఎలివేట్ చేసింది.
అంతర్జాతీయ విజువల్ స్టాండర్డ్స్‌ను చేరుకునేందుకు యూకేలో కలర్ గ్రేడింగ్ చేసి, సినిమాకు హాలీవుడ్ స్థాయి ఫినిష్ తీసుకొచ్చాం. ఈ సందర్భంగా మ్యాక్స్ విలియమ్స్, కమల్ గోయల్ గార్లకు నా ప్రత్యేక కృతజ్ఞతలు.
ఎడిటర్ శ్రీకాంత్ కథను ఎంతో శ్రద్ధగా, భావోద్వేగాలతో తీర్చిదిద్దారు. అలాగే రాజన్ చేసిన సౌండ్ డిజైన్ సినిమాకు మరింత లోతును, ఇమర్షన్‌ను తీసుకొచ్చింది.
ఇది ఒక రెగ్యులర్ హారర్ సినిమా కాదు. ఇందులోని సూపర్‌నేచురల్ ఎలిమెంట్‌ను భయానక దెయ్యంగా కాకుండా, ఒక పవిత్రమైన ఆత్మగా చూపించాం. ఈ కథ నా సన్నిహిత మిత్రుడి జీవితంలో జరిగిన నిజ సంఘటన ఆధారంగా, కల్పనతో మేళవించి రూపొందించబడింది.”

తక్ష్ కృతజ్ఞతలు తెలియజేస్తూ:
“ఈ ప్రయాణం అంతటా నాకు తోడుగా నిలిచిన మా ఎగ్జిక్యూటివ్ ప్రొడ్యూసర్ రవి బర్నబాస్ గారికి నా హృదయపూర్వక కృతజ్ఞతలు. ప్రతి దశలో ఆయన ఇచ్చిన మార్గనిర్దేశం ఈ చిత్రాన్ని తీర్చిదిద్దడంలో కీలక పాత్ర పోషించింది.
తర్వాత ప్రాజెక్ట్‌లో భాగమైనప్పటికీ మాకు సరైన దిశ చూపించి, బలమైన రిలీజ్ ప్లాన్‌ వైపు నడిపించిన దుబాయ్ చౌదరీ గారుకి ప్రత్యేక ధన్యవాదాలు.
నా సహనటిగా నటించిన మటిల్డా బాజర్కు ప్రత్యేక కృతజ్ఞతలు. ఆమె అంకితభావం, కష్టపాటు, ప్రొఫెషనలిజం అద్భుతం. ఆమె నుంచి అంతకన్నా ఎక్కువ ఆశించలేము.
సౌండ్ డిజైన్‌లో అద్భుతమైన పని చేసి, మొదటి నుంచి చివరి వరకు ప్రాజెక్ట్‌తో ఉన్న రాజన్కి నా ధన్యవాదాలు.
నేను మరియు దర్శకుడు అజిత్ వాసన్ ఉగ్గిన—మా సినిమా కోసం శ్రమించిన ప్రతి ఒక్క నటుడు, సాంకేతిక నిపుణుడు, క్రూ సభ్యుడికి హృదయపూర్వక కృతజ్ఞతలు తెలియజేస్తున్నాం. ‘ఎ బ్యూటిఫుల్ బ్రేకప్’ అనేది అందరి సమిష్టి కృషి ఫలితం.”

*అంతర్జాతీయ విడుదల ప్రణాళికలు
ప్రపంచవ్యాప్తంగా తొలి థియేట్రికల్ విడుదల అనంతరం, “ఎ బ్యూటిఫుల్ బ్రేకప్” చిత్రాన్ని దశలవారీగా మరిన్ని దేశాల్లో విడుదల చేయాలని చిత్రబృందం ప్లాన్ చేస్తోంది. ఇండోనేషియా, ఫిలిప్పీన్స్, జపాన్, యూకే, యూఎస్‌ఏ, కెనడా, కరీబియన్ దేశాలు, అలాగే స్పానిష్ మాట్లాడే ప్రధాన ప్రాంతాలు ఈ జాబితాలో ఉన్నాయి.
ప్రతి మార్కెట్‌లో సరైన స్థానం సంపాదించుకునేలా ఈ విడుదలలను వ్యూహాత్మకంగా ప్లాన్ చేయనున్నారు.

నటీనటులు

తక్ష్

మటిల్డా